റിയാദ്: മലയാളിയും സൗദി പ്രവാസിയുമായ ജോൺസൺ കീപ്പള്ളിലിന് ദില്ലി ആസ്ഥാനമായ വെയിൽ ഫൗണ്ടേഷന്റെ മഹാത്മാഗാന്ധി ദേശ് സേവാ പുരസ്കാരം ലഭിച്ചു. ഇന്ത്യയിലും വിദേശത്തും വിദ്യാഭ്യാസ മേഖലയിലെ സമർപ്പിത പ്രവർത്തനങ്ങൾക്കാണ് പുരസ്കാരം നൽകുന്നത്. ഒക്ടോബർ 5ന് ദില്ലിയിൽ നടക്കുന്ന ചടങ്ങിൽ അവാർഡ് സമർപ്പിക്കും. സൗദി അറേബ്യയിലെ അൽക്കോബാറിലെ എവർഷൈൻ ഇന്റർനാഷണൽ സ്കൂളിന്റെ ചെയർമാനും, കേരളത്തിലെ രണ്ട് സ്കൂളുകളുടെ ചെയർമാനുമാണ്. കൂടാതെ കോട്ടയത്തെ എവർ ഷൈൻ ആർട്ടിഫിഷ്യൽ ഇൻറലിജൻസ് പഠനകേന്ദ്രവും അദ്ദേഹത്തിന്റെ കീഴിലാണ്.