തിരുവനന്തപുരം: മുഖ്യമന്ത്രിയെ കാണാതെയും ആവശ്യങ്ങൾ പരിഗണിക്കാതെയും പിരിഞ്ഞുപോകില്ലെന്നാണ് ആശാ പ്രവർത്തകർ. ഓണാറേറിയം വര്ധിപ്പിക്കുക, വിരമിക്കല് ആനുകൂല്യം നല്കുക, പെന്ഷന് നല്കുക എന്നീ ആവശ്യങ്ങള് ഉന്നയിച്ച് നടത്തുന്ന സമരം എട്ട് മാസം പിന്നിടുമ്പോഴാണ് ആശാ പ്രവര്ത്തകര് മാര്ച്ച് നടത്തിയത്. പിഎംജി ജംഗ്ഷനില് നിന്ന് തുടങ്ങി ക്ലിഫ് ഹൗസ് വരെയായിരുന്നു പ്രതിഷേധം.
പ്രവര്ത്തകരെ പൊലീസ് ബാരിക്കേഡ് വച്ച് തടഞ്ഞു. മൂനിലധികം തവണ ജലാപീരങ്കി പ്രയോഗിച്ചു. മുഖ്യമന്ത്രിയെ കാണാതെ തിരിച്ച് പോകില്ലെന്ന നിലപാടിലായിരുന്നു ആശ ഹെല്ത്ത് വര്ക്കേഴ്സ് അസോസിയേഷന്. സര്ക്കാര് നിയോഗിച്ച വിദഗ്ധ സമിതി ആശാ പ്രവര്ത്തകരുടെ പ്രശ്നങ്ങള് പഠിച്ച് റിപ്പോര്ട്ട് സമര്പ്പിച്ചിരുന്നു. മാസങ്ങള് കഴിഞ്ഞിട്ടും റിപ്പോര്ട്ട് പരിഗണിക്കാൻ പോലും തയ്യറായില്ലെന്നു ആശാ പ്രവർത്തകർ പറയുന്നു.
