തിരുവനന്തപുരം: ശബരിമലയില് ഭക്ത കുഴഞ്ഞുവീണ് മരിച്ചു. കോഴിക്കോട് കൊയിലാണ്ടി സ്വദേശി സതിയാണ് മരിച്ചത്.
58 വയസായിരുന്നു. മലകയറവെ അപ്പാച്ചിമേട് ഭാഗത്ത് വച്ച് കുഴഞ്ഞു വീഴുകയായിരുന്നു. ദര്ശനത്തിന് വന് തിരക്കാണ് അനുഭവപ്പെടുന്നത്.
ഇന്നലെ മാത്രം മല കയറിയത് ഒരു ലക്ഷത്തിലധികം ഭക്തരാണ്. ഒന്നര ദിവസത്തിനിടെ 1,63,000 ല് അധികം പേര് മല ചവിട്ടി.
https://youtu.be/oTw8m33yes0?si=6XVEK1BNslt8JsA1
ദര്ശനത്തിനു വേണ്ടിയുള്ള കാത്തിരിപ്പ് 10 മണിക്കൂര് വരെ നീണ്ടുനിന്നതായിരുന്നു.
തീര്ത്ഥാടക പ്രവാഹം തുടരുകയാണ്. മണിക്കൂറുകള് വരി നിന്നാണ് തീര്ത്ഥാടകര് അയ്യനെ തൊഴുതു മടങ്ങുന്നത്. സന്നിധാനത്ത് തിരക്ക് കൂടുന്നത് നിയന്ത്രിക്കാന് പമ്പ മുതല് ക്രമീകരണം ശക്തമാക്കും.
സന്നിധാനത്തെ തിരക്ക് കൂടി പരിഗണിച്ചാകും പമ്പയില് നിന്ന് തീര്ത്ഥാടകാരെ കടത്തി വിടുക.
ഇന്നലെ ശരാശരി 6 മണിക്കൂര് വരെ കാത്തു നിന്ന ശേഷമാണ് ഭക്തര് ദര്ശനം നടത്തിയത്. ദിനംപ്രതി 90,000 പേര്ക്കാണ് മല കയറാന് അവസരമുള്ളത്.
