തെൽ അവീവ്: ഫലസ്തീൻ രാഷ്ട്രം സ്ഥാപിക്കുന്ന പ്രയത്‌നങ്ങളെ ഇസ്രായേൽ എതിർക്കുന്നുവെന്ന് പ്രധാനമന്ത്രി ബെഞ്ചമിൻ നെതന്യാഹു അറിയിച്ചു. ഗസ്സ മേഖലയിൽ ഫലസ്തീനിന്റെ സ്വാതന്ത്ര്യ ശ്രമങ്ങളെ നയിക്കുന്ന യുഎസ് നേതൃത്വം എതിർപ്പുള്ളതിനാൽ, യു.എൻ. സുരക്ഷാ സമിതിയിൽ വോട്ട് നടത്തുന്നതിന് മുമ്പാണ് നെതന്യാഹുവിന്റെ പ്രഖ്യാപനം. നെതന്യാഹു ഫലസ്തീൻ രാഷ്ട്ര രൂപീകരണം ഹമാസിന് ഒരു അംഗീകാരമാകുമെന്നാണ് നിരീക്ഷിക്കുന്നത്. കാരണം ഇസ്രായേൽ അതിന്റെ അതിർത്തിയിൽ കൂടുതൽ ശക്തമായ ഹമാസ് ഭരണം നിലനിര്‍ത്തിയേക്കും.
എന്നാൽ, ഗസ്സ വെടിനിർത്തൽ പദ്ധതി മുന്നോട്ടുകൊണ്ടുപോകാനാണ് യു.എസ് ശ്രമിക്കുന്നത്. ഈ സാഹചര്യത്തിൽ വിട്ടുവീഴ്ച ചെയ്യാൻ നെതന്യാഹുവിന് അന്താരാഷ്ട്ര സമ്മർദവുമുണ്ട്.ഗസ്സയിൽ അന്താരാഷ്ട്ര സേനയെ വിന്യസിക്കാൻ യു.എൻ അനുമതി തേടിയുള്ള യു.എസ് നിർദേശത്തിലാണ് യു.എൻ രക്ഷാസമിതിയിൽ വോട്ടെടുപ്പ് നടക്കുക. അതേസമയം, റഷ്യ, ചൈന, ചില അറബ് രാജ്യങ്ങൾ എന്നിവ നിർദേശത്തെ എതിർക്കുന്നുണ്ട്. ഹമാസും ഫലസ്തീൻ ഗ്രൂപ്പുകളും നിർദേശത്തെ എതിർത്ത് രംഗത്തുവന്നിട്ടുണ്ട്. ഇസ്രായേലിന് അനുകൂലമായ ഭരണസംവിധാനം സ്ഥാപിക്കാനുള്ള ശ്രമമാണ് ഇതെന്നും അവർ കുറ്റപ്പെടുത്തി. അന്താരാഷ്ട്ര സേന രൂപവത്കരിക്കുകയാണെങ്കിൽ അതിൽ ഇസ്രായേൽ ഉണ്ടാകരുതെന്നും യു.എന്നിന്റെ നേരിട്ടുള്ള നിയന്ത്രണത്തിലായിരിക്കണമെന്നും ഹമാസ് ആവശ്യപ്പെട്ടു.
