കൊച്ചി: കൊറോണ റെമഡീസ് ലിമിറ്റഡിന്റെ പ്രാഥമിക പൊതു ഓഹരി വില്പന (ഐപിഒ) 2025 ഡിസംബര് എട്ട് മുതല് 10വരെ നടക്കും. പ്രമോട്ടര്മാരുടെയും നിലവിലുള്ള നിക്ഷേപകരുടെയും 655.371 കോടിരൂപയുടെ ഇക്വിറ്റി ഓഹരികളുടെ ഓഫര് ഫോര് സെയിലാണ് ഐപിഒയില് ഉള്പ്പെടുത്തിയിരിക്കുന്നത്.
പത്ത് രൂപ മുഖവിലയുള്ള ഓഹരി ഒന്നിന് 1,008 മുതൽ 1,062 രൂപവരെയാണ് വില നിശ്ചയിച്ചിരിക്കുന്നത്. കുറഞ്ഞത് 14 ഇക്വിറ്റി ഓഹരികള്ക്കും തുടര്ന്ന് 14 ന്റെ ഗുണിതങ്ങള്ക്കും അപേക്ഷിക്കാം. അര്ഹരായ ജീവനക്കാര്ക്കായി മാറ്റിവെച്ചിരിക്കുന്ന വിഭാഗത്തില് ഓഹരി ഒന്നിന് 54 രൂപ വീതം ഡിസ്കൗണ്ട് ലഭിക്കും. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
ജെഎം ഫിനാൻഷ്യൽ ലിമിറ്റഡ്, ഐഐഎഫ്എൽ ക്യാപിറ്റൽ സർവീസസ് ലിമിറ്റഡ്, കോട്ടക് മഹീന്ദ്ര ക്യാപിറ്റൽ കമ്പനി ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജർമാര്.
