കൊല്ലം: ശബരിമല സ്വര്ണക്കൊള്ള കേസില് മുന് എക്സിക്യൂട്ടീവ് ഓഫീസര് സുധീഷ് കുമാറിന് ജാമ്യമില്ല. സുധീഷ് കുമാറിന്റെ രണ്ട് ജാമ്യാപേക്ഷകളും കോടതി തള്ളി. പാളികൾ കൈമാറിയതിൽ തിരുവാഭരണം കമ്മീഷണർക്കാണ് ഉത്തരവാദിത്വമെന്നായിരുന്നു പ്രതിഭാഗത്തിന്റെ വാദം. എന്നാൽ, ഉദ്യോഗസ്ഥൻ എന്ന നിലയിൽ സുധീഷ് കുമാറിനും പങ്കുണ്ടെന്ന് പ്രോസിക്യൂഷനും വാദിച്ചു.
അതേസമയം, ശബരിമല സ്വര്ണക്കൊള്ള കേസില് റിമാന്റില് കഴിയുന്ന ഒന്നാം പ്രതി ഉണ്ണികൃഷ്ണന് പോറ്റിയെയും, മുന് അഡ്മിനിസ്ട്രേറ്റീവ് ഓഫീസര് മുരാരി ബാബുവിനെയും കസ്റ്റഡിയില് വിട്ടു. കൊല്ലം വിജിലന്സ് കോടതിയാണ് എസ്ഐടിയുടെ കസ്റ്റഡിയില് പ്രതികളെ വിട്ടത്. ഉണ്ണികൃഷ്ണന് പോറ്റിയെ കട്ടിളപ്പാളി കേസിലും, മുരാരി ബാബുവിനെ ദ്വാരപാലക ശില്പ കേസിലുമാണ് അന്വേഷണ സംഘം കസ്റ്റഡിയില് എടുത്തത്.
