ലുക്മാന് പ്രധാന കഥാപാത്രമായ ചിത്രം അതി ഭീകര കാമുകന്.ഒടിടിയിലും സ്ട്രീമിംഗ് തുടങ്ങിയിരിക്കുകയാണ്. ആമസോണ് പ്രൈം വീഡിയോയിലൂടെയാണ് ചിത്രം ഒടിടിയില് എത്തിയിത്.
ഒരു വേറിട്ട കുടുംബകഥ പറയുന്ന ചിത്രം അതോടൊപ്പം മധുരമൂറും പ്രണയവും രസകരമായ ഒട്ടേറെ മുഹൂര്ത്തങ്ങളുമൊക്കെയായി ഒരു റൊമാന്റിക് കോമഡി ഫാമിലി ജോണറിലുള്ളതാണ് ചിത്രം.
ചിത്രത്തിലേതായി പുറത്തിറങ്ങിയ ‘പ്രേമവതി…’ ഗാനം സോഷ്യല് മീഡിയയില് തരംഗമായി മാറിയിരുന്നു. ഒട്ടേറെ ഹിറ്റ് ഗാനങ്ങളിലൂടെ ഇതിനകം സിനിമാ സംഗീത ലോകത്തെ സെന്സേഷനായി മാറിയ സിദ്ധ് ശ്രീറാം ആലപിച്ച ഗാനം ആസ്വാദക ഹൃദയങ്ങള് കവര്ന്നുകഴിഞ്ഞു.
ഫെജോ പാടിയ ”ഡെലൂലു ഡെലൂലു…!’ എന്ന ഗാനവും ഏവരും ഏറ്റെടുത്തുകഴിഞ്ഞിട്ടുണ്ട്. ‘സുന്ദരിയേ ‘ എന്ന ഗാനവും ശ്രദ്ധ നേടിയിട്ടുണ്ട്. സിനിമയുടെ മ്യൂസിക് റൈറ്റ്സ് സ്വന്തമാക്കിയിരിക്കുന്നത് സരിഗമയാണ്.
സിനിമയുടെ കളര്ഫുള് ഫസ്റ്റ് ലുക്ക് പോസ്റ്ററും റിലീസ് അനൗണ്സ്മെന്റ് പോസ്റ്ററും സോഷ്യല്മീഡിയയില് മുമ്പ് ശ്രദ്ധ നേടിയിരുന്നു. അശ്വിന്, കാര്ത്തിക്, സോഹന് സീനുലാല് തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലാണ് ചിത്രം എത്തുന്നത്. പാലക്കാട്, കൊടൈക്കനാല്, നെല്ലിയാമ്പതി എന്നിവിടങ്ങളിലായാണ് സിനിമയുടെ ചിത്രീകരണം നടന്നത്
