പത്തനംതിട്ട: ശബരിമല സ്വര്ണ്ണക്കൊള്ളക്കേസില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എ പത്മകുമാറിനെ പഴിച്ച് ബോര്ഡ് മുന് അംഗം എന് വിജയകുമാറിന്റെ മൊഴി.
പാളികള് പുതുക്കണമെന്ന് ദേവസ്വം ബോര്ഡില് പറഞ്ഞത് പത്മകുമാറാണ്. സര്ക്കാരിന് ഇനിയും നാണക്കേട് ഉണ്ടാക്കേണ്ട എന്ന് കരുതിയാണ് കീഴടങ്ങിയതെന്നും എന് വിജയകുമാര് മൊഴി നല്കി.
സഖാവ് പറഞ്ഞപ്പോള് ഒപ്പിടുക മാത്രമാണ് ചെയ്തതെന്നും എന് വിജയകുമാറിന്റെ മൊഴി. വായിച്ചു നോക്കാതെ ഒപ്പിടുകയാണ് ചെയ്തതെന്ന് എന് വിജയകുമാര് എസ്ഐടിയ്ക്ക് നല്കിയ മൊഴിയില് പറയുന്നു.
അതേസമയം വിജയകുമാറിന്റെ മൊഴി പൂര്ണമായി അന്വേഷണം സംഘം വിശ്വാസത്തിലെടുത്തിട്ടില്ല. ജുഡിഷ്യല് റിമാന്ഡില് തുടരുന്ന വിജയകുമാറിനെ വീണ്ടും കസ്റ്റഡിയിലെടുത്ത് ചോദ്യം ചെയ്യാനാണ് അന്വേഷണ സംഘത്തിന്റെ നീക്കം.
ദേവസ്വം ബോര്ഡിന് ഗുരുതര വീഴ്ചയുണ്ടായെന്നാണ് എന്.വിജയകുമാറിന്റെ റിമാന്ഡ് റിപ്പോര്ട്ടില് പറയുന്നത്. ഉണ്ണികൃഷ്ണന് പോറ്റിയെ അതിരുവിട്ട് സഹായിക്കാന് ദേവസ്വം മാന്വല് തിരുത്തി.
മാന്വല് തിരുത്തിയതില് പത്മകുമാറിനും എന്.വിജയകുമാറിനും കെ.പി ശങ്കരദാസിനും പങ്കുണ്ടെന്ന് റിമാന്ഡ് റിപ്പോര്ട്ടില് പറയുന്നു. മിനിറ്റ്സിലെ തിരുത്തല് പത്മകുമാര് രണ്ടുപേരെയും അറിയിച്ചു.
മൂവരും അറിഞ്ഞുകൊണ്ടാണ് പാളികള് പോറ്റിക്ക് കൊടുത്തുവിട്ടതെന്നും റിമാന്ഡ് റിപ്പോര്ട്ടില് പറയുന്നു. സാമ്പത്തിക ലാഭം ആഗ്രഹിച്ച് ഇരുവരും പത്മകുമാറിന് കൂട്ടുനിന്നെന്നും എസ്ഐ
