തിരുവനന്തപുരം: ശബരിമല സ്വര്ണക്കൊള്ള കേസില് റിമാന്ഡില് കഴിയുന്ന മുരാരി ബാബുവിന്റെ ജാമ്യാപേക്ഷയില് നാളെ വിധി പറയും .കൊല്ലം വിജിലന്സ് കോടതിയില് ജാമ്യഹര്ജികളില് വാദം പൂര്ത്തിയായി.
അറസ്റ്റിലായി 90 ദിവസം കഴിഞ്ഞത് ചൂണ്ടിക്കാട്ടിയായിരുന്നു ജാമ്യഹര്ജി. ജാമ്യം ലഭിച്ചാല് സ്വര്ണ്ണക്കൊള്ള കേസില് പുറത്തിറങ്ങുന്ന ആദ്യ പ്രതിയാകും മുരാരി ബാബു.
അതേസമയം ശബരിമല സ്വര്ണക്കൊള്ളയില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എന് വാസുവിന് ജാമ്യമില്ല.
എന് വാസുവിന്റെ ജാമ്യാപേക്ഷ സുപ്രീംകോടതി തള്ളി. ഇടപെടാന് ഇല്ലെന്ന് വ്യക്തമാക്കിയ കോടതി, ദൈവത്തെ കൊള്ളയടിച്ചില്ലേ എന്ന പരാമര്ശവും നടത്തി.
തിരുവാഭരണം കമ്മീഷണര് അല്ല താന് എന്ന് വാസു കോടതിയില് വ്യക്തമാക്കി. 77 ദിവസം ആയി കസ്റ്റഡിയില് എന്നും അറിയിച്ചു.
എന്നാല് ഇടപെടാനില്ലെന്ന് കോടതി വ്യക്തമാക്കുകയായിരുന്നു. ദൈവത്തെ കൊള്ളയടിച്ചില്ലേ എന്ന പരാമര്ശത്തിന് താന് കമ്മീഷണര് മാത്രമായിരുന്നു എന്നായിരുന്നു വാസുവിന്റെ മറുപടി.
