തിരുവനന്തപുരം: സംസ്ഥാനത്തെ ക്ഷേമ പെന്ഷന് ഗുണഭോക്താക്കള്ക്ക് ആശ്വാസമായി ഏപ്രില് മാസത്തെ പെന്ഷന് വിതരണം ചെയ്യുന്നു. ഈ മാസം 31 മുതല് വിതരണം ആരംഭിക്കും. വിഷു പ്രമാണിച്ചാണ് പെന്ഷന് നേരത്തെ വിതരണം ചെയ്യാന് സര്ക്കാര് തീരുമാനിച്ചത്.
ഇതിനാവശ്യമായ തുക അനുവദിച്ച് സര്ക്കാര് നേരത്തെ തന്നെ ഉത്തരവിറക്കിയിരുന്നു. ആകെ 4000 രൂപയാണ് ക്ഷേമ പെന്ഷനായി ഈ മാസം ഓരോ ഗുണഭോക്താവിനും ലഭിക്കുക. നിലവില് പ്രതിമാസം 2000 രൂപ വീതമാണ് ക്ഷേമ പെന്ഷനായി നല്കിവരുന്നത്. രണ്ടാം പിണറായി സര്ക്കാര് അധികാരമേറ്റ ശേഷം ഇതുവരെ 51,534 കോടി രൂപയാണ് ക്ഷേമ പെന്ഷന് ഇനത്തില് വിതരണം ചെയ്തത്.
