പത്തനംതിട്ട: സിപിഎം ഭരിക്കുന്ന അടൂർ സർവ്വീസ് സഹകരണ ബാങ്കിലെ ക്രമക്കേടിനെതിരെ കോൺഗ്രസ് പ്രതിഷേധ മാർച്ച് നടത്തി. സഹകരണ വകുപ്പ് അസിസ്റ്റന്റ് രജിസ്ട്രാർ ഓഫീസിലേക്കാണ് മാർച്ച് സംഘടിപ്പിച്ചത്.

ബാങ്ക് പ്രസിഡന്റ് പൊൻതാമര പിള്ള കഴിഞ്ഞ ദിവസം ക്രമക്കേടുകൾ സംബന്ധിച്ച് വെളിപ്പെടുത്തൽ നടത്തിയതിന് പിന്നാലെയാണ് പ്രതിഷേധം ശക്തമായത്. പ്രതിഷേധത്തിനിടെ പോലീസ് മാർച്ചിനെ തടഞ്ഞു. വിഷയത്തിൽ സിപിഎം നേതൃത്വം ഇതുവരെ പ്രതികരണം നടത്തിയിട്ടില്ല.

75 ലക്ഷം രൂപയുടെ ക്രമക്കേട് തൻ്റെ മേൽ കെട്ടിവയ്ക്കാൻ പാർട്ടിക്കാരായ ബോർഡ് അംഗങ്ങൾ ശ്രമിക്കുന്നുവെന്ന് പൊൻതാമര പിള്ള ആരോപിച്ചു. മുൻ എംഎൽഎയും മുതിർന്ന സിപിഎം നേതാവുമായ ആർ. ഉണ്ണികൃഷ്ണപിള്ളയുടെ ഭാര്യയാണ് പൊൻതാമര പിള്ള. 2024 മുതൽ അടൂർ സഹകരണ ബാങ്ക് പ്രസിഡന്റായിരുന്ന അവർ മഹിളാ അസോസിയേഷൻ നേതാവും കൂടിയാണ്. സംഭവവുമായി ബന്ധപ്പെട്ട് രാഷ്ട്രീയ വിവാദം കൂടുതൽ ശക്തമാകുകയാണ്.