തിരുവനന്തപുരം: ഇത്തവണ യുഡിഫ് അധികാരത്തിലെത്തിയാൽ ആരാകും മുഖ്യമന്ത്രി എന്നത് കഴിഞ്ഞ കുറച്ചു കാലങ്ങളായി നടക്കുന്ന ചർച്ചകളിലൊന്നാണ്. ഇപ്പോഴിതാ ഇതിനെ പരിഹസിച്ചുകൊണ്ട് രംഗത്ത് എത്തിയിരിക്കുകയാണ് വിദ്യാഭ്യസ മന്ത്രി വി ശിവൻകുട്ടി. എത്ര മുഖ്യമന്ത്രിമാരാ ഉള്ളത് ഇനിയും കൂടുമെന്നായിരുന്നു ശിവൻകുട്ടിയുടെ പരിഹാസം. കഴിഞ്ഞ നിയമസഭാ തിരഞ്ഞെടുപ്പ് കാലത്തും യുഡിഎഫ് അധികാരത്തിൽ വരുമെന്ന് ഉറച്ചു വിശ്വസിച്ചിരുന്നുവെന്നും, വകുപ്പുകൾ വരെ മുൻകൂട്ടി തീരുമാനിച്ചിരുന്നു. ആകെയുണ്ടായിരുന്ന സംശയം കാറിന്റെ കാര്യത്തിൽ മാത്രമായിരുന്നു എന്നും പരിഹസിച്ചു.