പാലക്കാട്: കെപിസിസി പ്രസിഡന്റ് സ്ഥാനത്തിനായി വാദം ഉന്നയിച്ചിട്ടില്ലെന്ന് കൊടിക്കുന്നില് സുരേഷ് എംപി. അന്തിമ തീരുമാനം ഹൈക്കമാന്ഡ് എടുക്കുമെന്ന് കൊടിക്കുന്നില് സുരേഷ് പറഞ്ഞു. കെപിസിസിയിലും ഡിസിസികളിലും ചില മാറ്റങ്ങൾ ഉണ്ടാകുമെന്നും വ്യക്തമാക്കി.
മന്ത്രിസഭാ രൂപീകരണത്തില് കോഴിക്കോട് ജില്ലയെ അവഗണിച്ചതായും കെപിസിസി യോഗത്തില് വിമര്ശനം ഉയര്ന്നിരുന്നു. അതേസമയം കോഴിക്കോട് ജില്ലയില് നിന്നും മന്ത്രിയില്ലാത്തതിലും കൊടിക്കുന്നില് സുരേഷ് പ്രതികരിച്ചു. കോഴിക്കോട് ജില്ലക്കാരനായ മന്ത്രിയാണ് ടി സിദ്ദിഖെന്നും മന്ത്രി ഇല്ലാത്തതിന്റെ പ്രശ്നങ്ങള് കോഴിക്കോട് ഉണ്ടാകില്ലെന്നും കൊടിക്കുന്നില് സുരേഷ് കൂട്ടിച്ചേര്ത്തു.
അതേസമയം, കെപിസിസി അധ്യക്ഷ പദവി ഒഴിയാന് സണ്ണി ജോസഫ് സന്നദ്ധത അറിയിച്ചു. മന്ത്രി പദവി ഏറ്റെടുത്ത സാഹചര്യത്തില് പ്രവര്ത്തിക്കാന് ബുദ്ധിമുട്ടുണ്ട് എന്ന് ചൂണ്ടിക്കാട്ടിയാണ് സണ്ണി ജോസഫ് തന്നെ കെപിസിസി അധ്യക്ഷ പദവിയില് നിന്ന് ഒഴിവാക്കണം എന്ന് ആവശ്യപ്പെട്ടത്.
