ബെംഗളൂരു: ഐപിഎല്ലിൽ ഇന്ന് റോയൽ ചലഞ്ചേഴ്‌സ് ബെംഗളൂരു ഗുജറാത്ത് ടൈറ്റൻസിനെ നേരിടും. ബെംഗളൂരു ചിന്നസ്വാമി സ്റ്റേഡിയത്തിൽ വൈകിട്ട് 7:30നാണ് മത്സരം. അവസാന കളിച്ച മത്സരത്തിൽ ഇരു ടീമുകളും പരാജയപ്പെട്ടിരുന്നു. അതുകൊണ്ട് തന്നെ, വിജയവഴിയില്‍ തിരിച്ചെത്തുക എന്ന ലക്ഷ്യമാണ് ഇരു ടീമുകൾക്കും മുന്നിലുള്ളത്. കളിച്ച ആറ് മത്സരങ്ങളിൽ നിന്ന് നാല് ജയവും രണ്ട് തോൽവിയും അടക്കം പട്ടികയിൽ മൂന്നാം സ്ഥാനത്താണ് ആർസിബി. അതേസമയം, ആറ് മല്‍സരങ്ങളില്‍ നിന്ന് മൂന്ന് ജയവും മൂന്ന് തോൽവിയും നേടി ഗുജറാത്ത് ടൈറ്റൻസ് പോയിന്റ് പട്ടികയിൽ ഏഴാം സ്ഥാനത്തതാണ്. രണ്ട് ടീമുകളും ഫോമിലാണ്. ഇനിയുള്ള മത്സരങ്ങൾ ഗില്ലിനും ഗുജറാത്തിനും നിർണായകമാണ്.