കൊച്ചി: കഴിഞ്ഞ 44 വര്ഷത്തെ ചരിത്രത്തിന് അവസാനം കുറിച്ച് ഒല്ലൂര് മണ്ഡലവും ഇത്തവണത്തെ തെരഞ്ഞെടുപ്പ് ഫലവും. ഒല്ലൂര് മണ്ഡലം ആര്ക്കൊപ്പമോ, കേരളവും അവര്ക്കൊപ്പം എന്ന രാഷ്ട്രീയ ചരിത്രത്തിനാണ് ഇത്തവണത്തെ തെരഞ്ഞെടുപ്പ് അവസാനം കുറിച്ചത്.
1982 മുതല് കേരളത്തില് ഭരണ മുന്നണിയെ മാത്രം വിജയിപ്പിച്ച ചരിത്രമാണ് ഒല്ലൂരിനുണ്ടായിരുന്നത്. എന്നാല് കേരളം ഇത്തവണ യുഡിഎഫിനു കൈകൊടുക്കുമ്പോള് ചരിത്രം തിരുത്തിക്കുറിച്ച് ഒല്ലൂര് മൂന്നാം തവണയും ഇടതുമുന്നണിക്കൊപ്പമാണ്. യുഡിഎഫിന്റെ ഷാജി ജെ കോടങ്കണ്ടത്തിനെ പിന്നിലാക്കി സിപിഐയുടെ കെ രാജനാണ് ജയമുറപ്പിച്ചത്.
കേരളത്തില് 1982ലെ ഏഴാം നിയമസഭയ്ക്കു ശേഷം യുഡിഎഫും എല്ഡിഎഫും ഒന്നിടവിട്ട് ഭരണം പിടിച്ചപ്പോള് ഒല്ലൂരും അതേ പാറ്റേണ് പിന്തുടര്ന്നു. 1982 മുതലുള്ള 8 തെരഞ്ഞെടുപ്പുകളില് 1982, 1991, 2001, 2011 എന്നീ വര്ഷങ്ങളില് യുഡിഎഫും 1987, 1996, 2006, 2016 വര്ഷങ്ങളില് എല്ഡിഎഫും ഇവിടെ ജയിച്ചു. ഈ വര്ഷങ്ങളില് ഇവിടെ ജയിച്ച മുന്നണിക്കായിരുന്നു സംസ്ഥാന ഭരണവും.
