മലപ്പുറം: മലപ്പുറം കുടശ്ശേരിപ്പാറ എകെകെ നഗര് പരിസരത്തു വെച്ച് മാരകമയക്കുമരുന്നായ എംഡിഎംഎയുമായി സഹോദരങ്ങള് പൊലീസിന്റെ പിടിയിലായി. ആതവനാട് കരിപ്പോള് പട്ടര്ക്കല്ല് സ്വദേശികളായ റഷീദ് (53), സഹോദരന് മുഹമ്മദ് ഷരീഫ് (38) എന്നിവരെയാണ് പൊലീസ് അറസ്റ്റ് ചെയ്തത്.
സംശയാസ്പദമായ സാഹചര്യത്തില് കാറില് ഇരിക്കുകയായിരുന്ന ഇവരെ പരിശോധിച്ചപ്പോഴാണ് കൈവശം സൂക്ഷിച്ചിരുന്ന നാലു ഗ്രാം എംഡിഎംഎ കണ്ടെടുത്തത്. കോളജ് വിദ്യാര്ഥികളെ കേന്ദ്രീകരിച്ചാണ് പ്രതികള് പ്രധാനമായും ലഹരിവില്പന നടത്തിയിരുന്നത്. പ്രദേശത്തെ ലഹരി വില്പന ശൃംഖലയെ കുറിച്ച് പൊലീസ് അന്വേഷണം ഊര്ജിതമാക്കിയിട്ടുണ്ട്.
