തിരുവനന്തപുരം: മുസ്ലിം ലീഗിനെ ഒറ്റ തിരിഞ്ഞ് ആക്രമിക്കുന്നതിനെതിരെ നിയുക്ത മുഖ്യമന്ത്രി വിഡി സതീശന്. ഒരു വിദ്വേഷ ക്യാംപെയ്ന് സംസ്ഥാനത്ത് ഉണ്ടാക്കി കേരളത്തില് വിഭജനം ഉണ്ടാക്കാനാണ് ശ്രമെന്ന് അദ്ദേഹം പറഞ്ഞു. മുസ്ലിം ലീഗ് കോണ്ഗ്രസിന്റെ കൂടെയുള്ള പ്രധാനപ്പെട്ട ഘടകകക്ഷിയാണ്. യുഡിഎഫ് തെരഞ്ഞെടുപ്പ് വിജയത്തില് നിര്ണായക പങ്കു വഹിച്ച കക്ഷിയാണ്. കെ കരുണാകരന്റെ കാലം മുതല് ഞങ്ങള്ക്കൊപ്പമുണ്ട്. വിജയത്തില് അവര്ക്കും പ്രധാന റോളുണ്ടെന്നും സതീശന് പറഞ്ഞു.
കേരളത്തില് മുസ്ലിം ലീഗ് ദുര്ബലമായാല് ആ സ്പേസ് വര്ഗീയശക്തികള് കയ്യടക്കും. അതിനെ തടുത്തു നിര്ത്തുന്ന രാഷ്ട്രീയ പാര്ട്ടി കൂടിയാണ് മുസ്ലിം ലീഗ്. ലീഗിനെ എതിര്ക്കുന്നവര് അതുകൂടി മനസ്സിലാക്കണം. വിദ്വേഷ പ്രചാരണത്തോട് ഒരു വിട്ടുവീഴ്ചയുമില്ല. മതേതര നിലപാടില് ഒരു കോംപ്രമൈസുമില്ല. കേരളത്തെ ഭിന്നിപ്പിക്കാന് അനുവദിക്കില്ല. തെരഞ്ഞെടുപ്പ് കാലത്ത് വിട്ടുവീഴ്ച ചെയ്തിട്ടില്ല, പിന്നെയാണ് തെരഞ്ഞെടുപ്പ് കഴിഞ്ഞിട്ട് കോംപ്രമൈസ് ചെയ്യാന് പോകുന്നതെന്നും വിഡി സതീശന് പറഞ്ഞു.
