തിരുവനന്തപുരം: കേരള മുഖ്യമന്ത്രിയായി വിഡി സതീശന് മുഖ്യമന്ത്രിയായി അധികാരമേറ്റ ചടങ്ങില് ശ്രദ്ധേയമായി വന്ദേമാതരം ആലാപനം. കേന്ദ്ര ആഭ്യന്തര മന്ത്രാലയത്തിന്റെ പുതിയ നിര്ദ്ദേശപ്രകാരം ദേശീയ ഗാനത്തിന് മുന്പായി വന്ദേമാതരത്തിന്റെ ആറ് ഖണ്ഡികകളും ചടങ്ങില് ആലപിച്ചു. തമിഴ്നാട്ടിലും ബംഗാളിലും ഇത് വിവാദമായിരുന്നതാണ്.
സത്യപ്രതിജ്ഞാ ചടങ്ങിന് മുന്പായി വന്ദേമാതരം പാടാത്ത ബിജെപി സര്ക്കാരിനെക്കാള് ദേശീയഗാനത്തിന്റെ കാര്യത്തില് ഒരുപടി മുന്നിലാണെന്ന് വിഡി സതീശന് തെളിയിച്ചതായാണ് രാഷ്ട്രീയ നിരീക്ഷകരുടെ വിലയിരുത്തല്. നേരത്തെ തമിഴ്നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്ത ചടങ്ങിലും വന്ദേമാതരം പാടിയിരുന്നു. പക്ഷേ നരേന്ദ്ര മോദിയടക്കം പങ്കെടുത്ത ബംഗാളിലെ ചടങ്ങില് ഇത് പൂര്ണമായും ഒഴിവാക്കിയിരുന്നു.
വന്ദേമാതരത്തിന്റെ മുഴുവന് ഭാഗങ്ങളും ആലപിക്കുന്നത് നിര്ബന്ധമാക്കുന്നതിനെ എതിര്ക്കുന്ന നിലപാടാണ് കോണ്ഗ്രസ് സ്വീകരിച്ചിരുന്നത്. ദേശീയ ഗാനത്തിന് മുന്പായി വന്ദേമാതരത്തിന്റെ ആറ് ഖണ്ഡികകളും ആലപിക്കണമെന്ന് ജനുവരി 28ന് കേന്ദ്ര ആഭ്യന്തര മന്ത്രാലയം ഉത്തരവിട്ടിരുന്നു.
