ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പരീക്ഷാഫല പ്രഖ്യാപനത്തിന് പിന്നാലെ ഉത്തരക്കടലാസുകളുടെ പുനർമൂല്യനിർണയത്തിനുള്ള അപേക്ഷാ നടപടികൾ ചൊവ്വാഴ്ച മുതൽ ആരംഭിക്കും.

പുതിയ ‘ഓൺ-സ്ക്രീൻ മാർക്കിംഗ്’ (OSM) രീതിയെക്കുറിച്ചും പ്രതീക്ഷിച്ചതിലും കുറഞ്ഞ മാർക്ക് ലഭിച്ചതിനെക്കുറിച്ചും വിദ്യാർഥികളും രക്ഷിതാക്കളും അധ്യാപകരും വ്യാപകമായി പരാതികൾ ഉയർത്തിയിരുന്നു. ഇതിന്റെ പശ്ചാത്തലത്തിലാണ് പുനർമൂല്യനിർണയത്തിനും വെരിഫിക്കേഷനുമുള്ള ഫീസ് 100 രൂപയായി കുറച്ചത്.

പുനർമൂല്യനിർണയത്തിനായി താൽപര്യമുള്ള വിദ്യാർഥികൾക്ക് സിബിഎസ്ഇയുടെ ഔദ്യോഗിക വെബ്സൈറ്റ് cbse.gov.in വഴി അപേക്ഷ സമർപ്പിക്കാം. പുനർമൂല്യനിർണയം നടത്തിയ ഉത്തരക്കടലാസുകൾ മെയ് 26 മുതൽ 29 വരെ ഓൺലൈനായി പരിശോധിക്കാനാകുമെന്ന് ബോർഡ് അറിയിച്ചു.