മസ്‌കറ്റ്: ബലിപെരുന്നാളിനോട് അനുബന്ധിച്ച് ഒമാനിലെ വിവിധ ജയിലുകളിൽ കഴിയുന്ന 382 തടവുകാർക്ക് സുൽത്താൻ ഹൈതം ബിൻ താരിഖ് മാപ്പ് പ്രഖ്യാപിച്ചു.

റോയൽ ഒമാൻ പൊലീസ് പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്. സ്വദേശികളും വിദേശികളും ഉൾപ്പെടെ വിവിധ കേസുകളിൽ ശിക്ഷ അനുഭവിച്ചിരുന്ന തടവുകാരെയാണ് പ്രത്യേക ഉത്തരവിലൂടെ മോചിപ്പിക്കുന്നത്.

ബലിപെരുന്നാൾ ആഘോഷങ്ങളുടെ ഭാഗമായി തടവുകാരുടെയും അവരുടെ കുടുംബങ്ങളുടെയും സാഹചര്യം പരിഗണിച്ചാണ് മാപ്പ് അനുവദിച്ചതെന്ന് അധികൃതർ അറിയിച്ചു. സുൽത്താന്റെ ഈ നടപടി മനുഷ്യപരമായ കരുണാപൂർണ തീരുമാനമാണെന്നും, മോചിതരാകുന്നവരുടെ കുടുംബങ്ങൾക്ക് ഇത് വലിയ ആശ്വാസമാകുമെന്നുമാണ് വിലയിരുത്തൽ.