ദുബായ്: മധ്യ ആഫ്രിക്കൻ രാജ്യങ്ങളിൽ എബോള വൈറസ് വ്യാപിക്കുന്ന സാഹചര്യത്തിൽ യുഎഇയിൽ പൊതുജനങ്ങൾക്ക് ആശങ്കപ്പെടേണ്ട സാഹചര്യമില്ലെന്ന് അധികൃതർ അറിയിച്ചു. യുഎഇയിലെ പൊതുജനാരോഗ്യ നില ഭദ്രമാണെന്നും, രോഗപ്രതിരോധ സംവിധാനം സുസ്ഥിരമായിരിക്കുന്നുവെന്നും ആരോഗ്യ മന്ത്രാലയവും ദേശീയ ദുരന്ത നിവാരണ വകുപ്പും അറിയിച്ചു.
യുഎഇ ആരോഗ്യ-പ്രതിരോധ മന്ത്രാലയവും ദേശീയ ദുരന്തനിവാരണ സമിതിയും ചേർന്ന് രാജ്യത്ത് അതീവ ജാഗ്രതാ നിർദ്ദേശങ്ങൾ പുറപ്പെടുവിച്ചു. വേനൽക്കാല അവധിക്കായി യാത്ര പദ്ധതിയിടുന്ന സ്വദേശികളും പ്രവാസികളും മുൻകരുതൽ പാലിക്കണമെന്നും വിദേശകാര്യ മന്ത്രാലയം നിർദ്ദേശിച്ചു. പ്രത്യേകിച്ച് ഡെമോക്രാറ്റിക് റിപ്പബ്ലിക് ഓഫ് കോംഗോ, ഉഗാണ്ട, സൗത്ത് സുഡാൻ എന്നീ രാജ്യങ്ങളിലേക്കുള്ള യാത്ര ഒഴിവാക്കാൻ ആവശ്യപ്പെട്ടു, കാരണം ഇവിടെയാണ് പുതിയ എബോള കേസുകൾ റിപ്പോർട്ട് ചെയ്തിരിക്കുന്നത്.
അതിനുപരി, യുഎഇയിലെ വിമാനത്താവളങ്ങളിലും അതിർത്തികളിലും നിരീക്ഷണം കർശനമാക്കി. രോഗബാധിത പ്രദേശങ്ങളിൽ നിന്നെത്തുന്ന യാത്രക്കാരെ നിരീക്ഷിക്കാൻ പ്രത്യേക സംവിധാനങ്ങൾ ഒരുക്കിയിട്ടുണ്ട്. എബോള വൈറസ് കണ്ടെത്തുന്നതിനുള്ള ലബോറട്ടറികളും ആശുപത്രികളും സജ്ജമാക്കിയിട്ടുണ്ട്.
അധികാരികൾ, സോഷ്യൽ മീഡിയ വഴി പ്രചരിക്കുന്ന വ്യാജവാർത്തകളിൽ വിശ്വസിക്കാതെ, മന്ത്രാലയത്തിന്റെ ഔദ്യോഗിക അറിയിപ്പുകൾ മാത്രം ആശ്രയിക്കണമെന്നും ആവശ്യപ്പെട്ടു.
എന്നാൽ, പൊതുജനങ്ങൾക്ക് എങ്കിലും ഭയപ്പെടേണ്ട ആവശ്യമില്ലെന്നും ആരോഗ്യ മന്ത്രാലയ യോഗത്തിൽ വിലയിരുത്തി.
