കോഴിക്കോട്: കേരളത്തിലെ ബീഫ് വിപണി പ്രതിസന്ധിയിൽ. തമിഴ്നാട്ടിലെ കന്നുകാലി ക്ഷാമവും ആന്ധ്രപ്രദേശ്, കര്ണാടകയില് ഗോസംരക്ഷണത്തിന്റെ പേരില് കന്നുകാലികളെ തടയലുമാണ് പ്രധാന കാരണം. ഒന്നരലക്ഷം കന്നുകള് എത്തിയ കേരളത്തില് ഇപ്പോള് ആറായിരത്തിന് താഴെയുള്ള കന്നുകള് മാത്രമാണ് എത്തുന്നത്. ക്ഷാമത്തെ തുടര്ന്ന് ഇടുക്കിയിലെ വ്യാപാരികള് വെള്ളിയാഴ്ച മുതല് അനിശ്ചിതകാലത്തേക്ക് ഇറച്ചിക്കടകള് അടയ്ക്കാനാണ് തീരുമാനം.
കന്നുകാലികളെ കേരളത്തിലേക്ക് കൊണ്ടുവരുമ്പോള് വെറ്ററിനറി ഡോക്ടറുടെ ആരോഗ്യ സര്ട്ടിഫിക്കറ്റ് ആവശ്യമാണ്. എന്നാല് ആന്ധ്ര സര്ക്കാര് ഇത് ആവശ്യമായില്ലെന്ന് ഉത്തരവിട്ടിട്ടുണ്ട്. ചില ബീഫ് എക്സ്പോര്ട്ടിങ് കമ്പനികള് ഇതില് ലാഭമെടുത്തതായി വ്യാപാരികള് ആരോപിക്കുന്നു. പരാതി നല്കിയിട്ടും സംസ്ഥാനതലത്ത് ഇതുവരെ നടപടി ഉണ്ടായിട്ടില്ല എന്നും വ്യാപാരികള് പറയുന്നു.
ഇപ്പോൾ കോഴിക്കോട് ജില്ലയില് 650ഓളം ഇറച്ചിക്കടകളില് 300ഓളം മാത്രമാണ് തുറന്നുകഴിഞ്ഞ് പ്രവര്ത്തിക്കുന്നത്. ഉത്തരേന്ത്യന് സംസ്ഥാനങ്ങളില് നിന്നും ആന്ധ്രയിലും തമിഴ്നാട്ടിലും വന്ന കന്നുകളെ ഗോശാലകളിലേക്ക് മാറ്റുന്ന പ്രവണതയും കടുത്ത പ്രശ്നമായി മാറിയിട്ടുണ്ട്. നിലവില് ഒരു കിലോ ബീഫിന് 400 മുതല് 440 രൂപവരെ വിലയാണ്. ക്ഷാമം തുടരുകയാണെങ്കില് വില വര്ധിക്കും. നാലു ജില്ലകളില് 12-ാം തീയതി മുതല് അനിശ്ചിതകാല സമരം നടത്താന് വ്യാപാരികള് തീരുമാനിച്ചിട്ടുണ്ട്.
