തിരുവനന്തപുരം: സംസ്ഥാന ബജറ്റിനെ വിമർശിച്ച് പ്രതിപക്ഷ നേതാവ് പിണറായി വിജയൻ. കേരളം ഗുരുതര സാമ്പത്തിക പ്രതിസന്ധിയിലാണെന്ന സന്ദേശം ബജറ്റിന്റെ ആമുഖത്തിലൂടെ നൽകാനാണ് സർക്കാർ ശ്രമിച്ചതെന്ന് അദ്ദേഹം ആരോപിച്ചു. എന്നാൽ ബജറ്റിലെ വകയിരുത്തലുകൾ പരിശോധിച്ചാൽ സംസ്ഥാനത്തിന്റെ സാമ്പത്തിക സ്ഥിതി അത്ര മോശമല്ലെന്ന് വ്യക്തമാകുന്നതായും അദ്ദേഹം പറഞ്ഞു.
ബജറ്റിൽ ഏകദേശം 2,000 കോടി രൂപയുടെ അധിക വകയിരുത്തൽ ഉൾപ്പെടുത്തിയിട്ടുണ്ടെന്നും, കേരളം സാമ്പത്തികമായി തകർച്ചയുടെ വക്കിലാണെന്ന പ്രചാരണം രാഷ്ട്രീയ ആക്ഷേപം മാത്രമാണെന്നും പിണറായി വിജയൻ അഭിപ്രായപ്പെട്ടു.
ഭാവി കേരളത്തിന്റെ വികസന ദിശ വ്യക്തമാക്കുന്ന സമഗ്രമായ കാഴ്ചപ്പാടോ ബ്ലൂപ്രിന്റോ ബജറ്റിൽ കാണാനില്ലെന്നും അദ്ദേഹം വിമർശിച്ചു. മുൻ എൽഡിഎഫ് സർക്കാർ അവതരിപ്പിച്ച ബജറ്റുകളിലെ നിരവധി പദ്ധതികളും ആശയങ്ങളും നിലവിലെ യുഡിഎഫ് സർക്കാർ ആവർത്തിക്കുകയാണെന്നും പ്രതിപക്ഷ നേതാവ് ആരോപിച്ചു.
സംസ്ഥാനത്തിന്റെ ദീർഘകാല വികസനത്തിനുള്ള വ്യക്തമായ പദ്ധതികൾ അവതരിപ്പിക്കുന്നതിൽ ബജറ്റ് പരാജയപ്പെട്ടുവെന്നും അദ്ദേഹം കൂട്ടിച്ചേർത്തു.
