കൊച്ചി: മുനമ്പത്ത് നിന്ന് കാണാതായ പൊലീസുകാരനെ കണ്ടെത്തി. വടക്കേക്കര പൊലീസ് സ്റ്റേഷനിലെ സിപിഒ അൻജിത്തിനെയാണ് പൊള്ളാച്ചിയിൽ നിന്ന് കണ്ടെത്തിയത്.
ഒരാഴ്ച നീണ്ട തെരച്ചിലിനൊടുവിലാണ് അൻജിത്തിനെ കണ്ടെത്തിയത്. ഇയാളുടെ മൊബൈൽ ഫോൺ സ്വിച്ച് ഓഫ് ചെയ്ത നിലയിലായിരുന്നതിനാൽ അന്വേഷണം ദുഷ്കരമായിരുന്നു.
കുടുംബ തർക്കത്തെ തുടർന്നാണ് അൻജിത്ത് വീട്ടിൽ നിന്ന് പോയതെന്നാണ് വിവരം. ശനിയാഴ്ച രാവിലെയാണ് ഇദ്ദേഹം വീട്ടിൽ നിന്നിറങ്ങിയത്. തുടർന്ന് ഫോണിൽ ബന്ധപ്പെടാൻ ശ്രമിച്ചെങ്കിലും ലഭിക്കാത്തതിനെ തുടർന്ന് ഭാര്യ പൊലീസിൽ പരാതി നൽകിയിരുന്നു.
പരാതിയുടെ അടിസ്ഥാനത്തിൽ പൊലീസ് നടത്തിയ അന്വേഷണത്തിലാണ് അൻജിത്തിനെ പൊള്ളാച്ചിയിൽ നിന്ന് കണ്ടെത്തിയത്.
