പത്തനംതിട്ട: കേന്ദ്ര സർക്കാരിന്റെ പിഎം ശ്രീ പദ്ധതി സംസ്ഥാനത്ത് നടപ്പാക്കുന്നതുമായി ബന്ധപ്പെട്ട് സർക്കാരിനെയും യുഡിഎഫിനെയും രൂക്ഷമായി വിമർശിച്ച് മുൻ റവന്യൂ മന്ത്രിയും സിപിഐ നേതാവുമായ കെ രാജൻ. എൽഡിഎഫ് സർക്കാർ പിഎം ശ്രീയിൽനിന്ന് ഒരു രൂപയെങ്കിലും വാങ്ങിയെന്നുതെളിയിച്ചാൽ രാഷ്ട്രീയപ്രവർത്തനം അവസാനിപ്പിക്കുമെന്നും വിദ്യാഭ്യാസ മന്ത്രിയെ ഇത് ബോധ്യപ്പെടുത്താൻ വെല്ലുവിളിക്കുകയാണെന്നും അദ്ദേഹം പറഞ്ഞു.
സർവശിക്ഷ കേരളയ്ക്കു ലഭിക്കാനുള്ള കോടികൾ ലഭിക്കാനുള്ള വഴി പിഎം ശ്രീയിൽ ഒപ്പിടലാണെന്ന് കേന്ദ്രം പറഞ്ഞാൽ, കേന്ദ്രത്തിനു മുൻപിൽ ഇതും പറഞ്ഞ് നട്ടെല്ലുവളച്ചാൽ അതിനെ എഐഎസ്എഫ് നേരിടുമെന്നും കെ രാജൻ പറഞ്ഞു. എഐഎസ്എഫ് സംസ്ഥാന പഠനക്യാമ്പിന്റെ സമാപനത്തിൽ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം.
