തിരുവനന്തപുരം:അടുത്ത വര്ഷം മുതല് എസ്എസ്എല്സി പരീക്ഷയില് പരിഷ്കരണമുണ്ടാകുമെന്ന പ്രഖ്യാപനവുമായി വിദ്യാഭ്യാസ മന്ത്രി വി ശിവന്കുട്ടി. 2023-24 വര്ഷത്തെ എസ്എസ്എല്സി പരീക്ഷ ഫലം പ്രഖ്യാപിക്കുകയായിരുന്നു വി ശിവന്കുട്ടി.എഴുത്ത് പരീക്ഷയില് മിനിമം മാര്ക്ക് ഏര്പ്പെടുത്തുമെന്നാണ് മന്ത്രി പ്രഖ്യാപിച്ചിരിക്കുന്നത്.ഓരോ വിഷയത്തിലും ജയിക്കാന് 12 മാര്ക്ക് മിനിമം വേണം എന്ന രീതിയിലായിരിക്കും അടുത്ത വര്ഷം മുതല് പരീക്ഷ രീതി.മാറ്റം ചര്ച്ച ചെയ്യാന് വിദ്യാഭ്യാസ കോണ്ക്ലേവ് നടത്തുമെന്നും മന്ത്രി കൂട്ടിച്ചേര്ത്തു.
റോഡ് നിര്മാണത്തിലെ അഴിമതി;എഞ്ചിനീയര്മാര്ക്കും കോണ്ട്രാക്ടര്ക്കും കഠിന തടവും പിഴയും
99.69 ശതമാനമാണ് 2023-24 വര്ഷത്തെ വിജയം.വിജയശതമാനത്തില് കഴിഞ്ഞ വര്ഷത്തേക്കാള് നേരിയ കുറവുണ്ട്.മുന് വര്ഷം 99.7 ശതമാനമാനമായിരുന്നു വിജയം.71831 വിദ്യാര്ത്ഥികളാണ് എല്ലാ വിഷയങ്ങള്ക്കും എ പ്ലസ് നേടിയത്.എല്ലാ വിഷയങ്ങള്ക്കും എ പ്ലസ് നേടിയവരുടെ എണ്ണത്തില് മുന് വര്ഷത്തേക്കാള് വര്ധനവുണ്ട്.9 മുതല് 15 വരെ പുനര് മൂല്യ നിര്ണയത്തിന് അപേക്ഷിക്കാം.മെയ് 28 മുതല് ജൂണ് 6 വരെയായിരുക്കും സേ പരീക്ഷ.ജൂണ് ആദ്യവാരം മുതല് സര്ട്ടിഫിക്കറ്റ് വിതരണം ചെയ്യുമെന്നും മന്ത്രി അറിയിച്ചു.
