കൊച്ചി: 20 വർഷമായി ഒളിവിലായിരുന്ന വഞ്ചന കേസ് പ്രതി നെടുമ്പാശ്ശേരി വിമാനത്താവളത്തിൽ പിടിയിലായി. 2006-ൽ എലൂർ പോലീസ് സ്റ്റേഷനിൽ രജിസ്റ്റർ ചെയ്ത കേസിലെ പ്രതിയായ ഏറ്റുമാനൂർ കാണക്കാരി സ്വദേശി സെബാസ്റ്റ്യനെ പോലീസ് അറസ്റ്റ് ചെയ്തു.

കളമശേരി ജുഡീഷ്യൽ മജിസ്ട്രേറ്റ് കോടതിയുടെ 35/2023 ലോങ് പെൻഡിംഗ് വാറന്റ് പ്രകാരം അറസ്റ്റ് നടന്നു. പ്രതി വിദേശത്തായിരുന്നതിനാൽ ലുക്കൗട്ട് നോട്ടീസ് പുറപ്പെടുവിച്ചിരുന്നു. ഇതിന്റെ അടിസ്ഥാനത്തിൽ മെയ് 25-ന് നെടുമ്പാശ്ശേരി വിമാനത്താവളത്തിൽ എത്തിയ ഇയാളെ എമിഗ്രേഷൻ തടഞ്ഞ് ഏലൂർ പൊലീസിന് കൈമാറി.

രണ്ട് പതിറ്റാണ്ടോളം നീതിന്യായ സംവിധാനത്തെ വെല്ലുവിളിച്ച് ഒളിവിൽ തുടരുകയായിരുന്ന പ്രതിയെ കസ്റ്റഡിയിലെടുത്ത് കേസനുസരിച്ച് മെയ് 25-നു തന്നെ കളമശ്ശേരി മജിസ്‌ട്രേറ്റ് കോടതിയിൽ ഹാജരാക്കി.