പാലക്കാട്: പി വി അന്‍വറിനെതിരെ വിമർശനവുമായി രംഗത്ത് വന്നിരിക്കുകയാണ് സിപിഎം നേതാവ് എ കെ ബാലൻ. ഓന്തിനെ പോലെ നിറം മാറുന്ന രാഷ്ട്രീയ ജീവിയാണെന്നും, ഒരിടത്തും ഉറച്ചുനിൽക്കില്ലന്നുമാണ് എ കെ ബാലന്റെ വിമർശനം. ഒരു വ്യക്തിയുടെ മേൽവിലാസവും വിശ്വാസ്യതയും നഷ്ട്ടപെടുന്നതിന്റെ ഏറ്റവും വലിയ തെളിവാണ് അൻവർ എന്നും കൂട്ടിച്ചേർത്തു. സിപിഎം വിട്ടുപോയവർക്ക് അൻവറിന്റെ കൂടെ അധിക കാലം നിൽക്കാൻ കഴിയില്ലെന്നും എ കെ ബാലൻ പറഞ്ഞു. അൻവറിന്റെ രാഷ്ട്രീയ കൂടുമാറ്റത്തെയും പുതിയ പാർട്ടി പ്രഖ്യാപനത്തെയും കുറിച്ച് സംസാരിക്കുകയായിരുന്നു അദ്ദേഹം.