തൃശ്ശൂര്: പാടത്ത് മോട്ടോര് പ്രവര്ത്തിപ്പിക്കുന്നതിനിടെ ഷോക്കേറ്റ് യുവാവ് മരിച്ചു കുന്നംകുളം കാട്ടകാമ്പാല്പഴഞ്ഞി ജെറുസലേം പ്രദേശത്ത് പാടത്തുനിന്നാണ് യുവാവിന് ഷോക്കേറ്റത് കാട്ടകാമ്പാല് പഞ്ചായത്തിലെ പഴഞ്ഞി ജെറുസലേം സ്വദേശി ചോഴിക്കുന്നത്ത് ഷൈജു(42) ആണ് മരിച്ചത്. പഴഞ്ഞിയിലെ ബീറ്റ സ്റ്റുഡിയോയുടെ ഉടമയും ഫോട്ടോഗ്രാഫറുമായ ഷൈജു, സ്വന്തമായി 50 സെന്റ് സ്ഥലത്ത് കൃഷി നടത്തി വരികയായിരുന്നു.
കൃഷിയുടെ ഭാഗമായി പാടത്തില് മോട്ടോര് പ്രവര്ത്തിപ്പിക്കുന്നതിനിടെയാണ് ഷോക്കേറ്റതെന്നാണ് പ്രാഥമിക വിവരം. അപകടം സംഭവിച്ചതിന് പിന്നാലെ നാട്ടുകാര് ഉടന് തന്നെ ഷൈജുവിനെ കുന്നംകുളംയിലെ മലങ്കര ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് കൂടുതല് നടപടികള്ക്കായി ബന്ധപ്പെട്ട അധികൃതര് അന്വേഷണം ആരംഭിച്ചിട്ടുണ്ട്.
