ന്യൂഡൽഹി: അരുണാചൽ പ്രദേശിലെ തവാങിൽ മലയാളി യുവാവ് മുങ്ങിമരിച്ചു. സേന പോയിന്റിന് സമീപമുള്ള തണുത്തുറഞ്ഞ തടാകത്തിൽ നടക്കുന്നതിനിടെയാണ് അപകടം ഉണ്ടായത്. സംഘത്തിലുണ്ടായിരുന്ന ഏഴ് പേരിൽ ഒരാൾ മരിക്കുകയും മറ്റൊരാൾ കാണാതാവുകയും ചെയ്തു. മലപ്പുറം സ്വദേശിയായ മാധവ് മധു ആണ് അപകടത്തിൽ മരിച്ചത്. സംഘത്തിലുണ്ടായിരുന്ന കൊല്ലം സ്വദേശി ബിനുപ്രകാശ് എന്ന യുവാവിനായി തെരച്ചിൽ തുടരുകയാണ്. അപകട സമയത്ത് സംഘത്തിലുണ്ടായിരുന്ന മറ്റ് അഞ്ച് പേർ രക്ഷപ്പെട്ടു.
സംഭവത്തെ തുടർന്ന് പ്രദേശത്ത് രക്ഷാപ്രവർത്തനം ശക്തമാക്കിയിട്ടുണ്ട്. തണുത്ത കാലാവസ്ഥയും ദുഷ്കരമായ ഭൗഗോള സാഹചര്യങ്ങളും രക്ഷാപ്രവർത്തനത്തെ ബാധിക്കുന്നതായി അധികൃതർ അറിയിച്ചു.
