തൃശ്ശൂർ: അന്നനാട് യൂണിയൻ ഹയർസെക്കൻഡറി സ്കൂളിലെ 25 ദേശീയ ഹാൻഡ് ബോൾ താരങ്ങൾക്കും 50 സംസ്ഥാന മെഡൽ ജേതാക്കൾക്കും ആദരമൊരുക്കിക്കൊണ്ട് പ്രതിഭോത്സവം 2025 സംഘടിപ്പിച്ചു. കായിക താരങ്ങളെയും കായികാധ്യാപകൻ ജിബി വി പെരേപ്പാടനെയും പരിശീലകൻ. അർജർ എ എസ് നേയും അന്നനാട് ജംഗ്ഷനിൽ പൂച്ചെണ്ട് നൽകി സ്വീകരിക്കുകയും വാദ്യമേളങ്ങളുടെ അകമ്പടിയോടെ അയ്യപ്പ ഓഡിറ്റോറിയത്തിലേക്ക് ആനയിക്കുകയും ചെയ്തു.
തുടർന്ന് നടന്ന പൊതുസമ്മേളനം തൃശൂർ റൂറൽ സ്പെഷ്യൽ ബ്രാഞ്ച് ഡി വൈ എസ് പി . ബിജോയ് പി ആർ ഉദ്ഘാടനം ചെയ്തു. സ്കൂൾ പി ടി എ പ്രസിഡണ്ട് രാജേഷ് പി ആർ അധ്യക്ഷത വഹിച്ച യോഗത്തിൽ തൃശ്ശൂർ ജില്ല സ്പോർട്സ് കൗൺസിൽ വൈസ് പ്രസിഡന്റ് . അഖിൽ അനിരുദ്ധൻ മുഖ്യാതിഥിയായിരുന്നു. കായിക താരങ്ങളെയും കായികാധ്യാപകൻ . ജിബി വി പെരേപ്പാടൻ, പരിശീലകൻ .അർജുൻ എ എസ് എന്നിവരെ മൊമെന്റോയും മെഡലുകളും നൽകി ആദരിച്ചു.
പ്രിൻസിപ്പൽ ജയ ഐ ആമുഖപ്രഭാഷണം നടത്തി. സ്കൂൾ മാനേജർ . സി എ ഷാജി സ്വാഗതവും ഹെഡ്മിസ്ട്രസ് മാലിനി എം.പി നന്ദിയും രേഖപ്പെടുത്തിയ യോഗത്തിൽ സ്കൂൾ മാനേജ്മെന്റ് കമ്മിറ്റി പ്രസിഡണ്ട് . ജയൻ ജോസഫ് പട്ടത്ത് ആശംസകൾ അർപ്പിച്ച് സംസാരിച്ചു. കുമാരി നവനീത പി സുഭാഷ്, കായികാധ്യാപകൻ. ജിബി വി പെരേപ്പാടൻ എന്നിവർ മറുപടി പ്രസംഗം നടത്തി. സ്കൂളിലെ വിദ്യാർഥികൾ, അധ്യാപകർ, അനധ്യാപകർ രക്ഷിതാക്കൾ നാട്ടുകാർ തുടങ്ങിയവർ യോഗത്തിൽ പങ്കെടുത്തു.
