തിരുവനന്തപുരം: കേരള സര്ക്കാര് സാമൂഹ്യനീതി വകുപ്പിന്റെ ആഭിമുഖ്യത്തില് സംസ്ഥാനത്തെ ഭിന്നശേഷി സമൂഹത്തിന്റെ ശാക്തീകരണവും സാമൂഹിക ഉള്ച്ചേര്ക്കലും മുഖ്യലക്ഷ്യമായി, ‘സവിശേഷ Carnival of the Different’ എന്ന പേരില് ഭിന്നശേഷി സര്ഗ്ഗോത്സവത്തിന് സാമൂഹ്യനീതി വകുപ്പ് തലസ്ഥാനനഗരിയില് വേദിയൊരുക്കുകയാണ്.
കേരളത്തിലെ ഭിന്നശേഷി മേഖലയിലെ സമഗ്രമായ പ്രവര്ത്തനങ്ങള്, രാജ്യത്തിനു തന്നെ മാതൃകയാക്കാവുന്ന പദ്ധതികള്, ഈ മേഖലയിലെ ദേശീയ-അന്തര് ദേശീയ വീക്ഷണങ്ങള്, അസിസ്റ്റീവ് ടെക്നോളജി ഡെമോന്സ്ട്രേഷന്, കലാ-കായിക പരിപാടികള്, തൊഴില്മേള, നൈപുണ്യ വികസനശില്പശാല, ഇന്ക്ലൂസീവ് ചലച്ചിത്രോത്സവം, ഓപ്പണ് ഫോറം തുടങ്ങിയവ ഉള്പ്പെട്ട സമഗ്ര ഭിന്നശേഷി ഇടപെടലായാണ് 2026 ജനുവരി 19 മുതല് 21 വരെ തിരുവനന്തപുരത്ത് ഭിന്നശേഷി സര്ഗ്ഗോത്സവം നടക്കുന്നത്.
ജനുവരി 19 ന് ഇന്ക്ലൂസീവ് ചലച്ചിത്രോത്സവം കൈരളി ശ്രീ തിയറ്ററില് നടക്കും.
ടാഗോര് തിയേറ്ററാണ് മുഖ്യവേദി. പരിപാടിയുടെ ഭാഗമായി മാധ്യമ അവാര്ഡ് നല്കും.
മികച്ച ദൃശ്യമാധ്യമ റിപ്പോര്ട്ടിങ്ങ്, മികച്ച ദൃശ്യമാധ്യമ ക്യാമറാമാന്, മികച്ച പ്രിന്റ് മീഡിയ റിപ്പോര്ട്ടിങ്ങ്, മികച്ച എഫ്.എം റേഡിയോ സ്റ്റോറി, ഡിജിറ്റല്/ ഓണ്ലൈന് സ്റ്റോറി എന്നിവയ്ക്കാണ് അവാര്ഡ്. സവിശേഷ കാര്ണിവലുമായി ബന്ധപ്പെട്ട്
പ്രസിദ്ധീകരിക്കുകയോ സംപ്രേഷണം ചെയ്യുകയോ ചെയ്ത സൃഷ്ടികളാണ് പരിഗണിക്കുന്നത്.
ക്യാഷ് പ്രൈസും പ്രശസ്തി പത്രവും ശില്പവും അടങ്ങുന്നതാണ് അവാര്ഡ്. അപേക്ഷകര് ബയോഡാറ്റയോടൊപ്പം പ്രസിദ്ധീകരിച്ച
റിപ്പോര്ട്ടുകള് /ഉള്ളടക്കം savisheshacarnival@gmail.com എന്ന ഇ-മെയിലിലേക്ക് 2026 ജനുവരി 21 നു 12 മണിക്ക് മുന്പായി സമര്പ്പിക്കണം.
കൂടുതല് വിവരങ്ങള്ക്ക് 9961229701 ഈ നമ്പറില് ബന്ധപ്പെടുക.
