പാലക്കാട്: രാജ്യത്തും സംസ്ഥാനത്തും നിലവിലുള്ള രാഷ്ട്രീയ സാഹചര്യങ്ങളും ജനജീവിതത്തെ ബാധിക്കുന്ന വിഷയങ്ങളും വിശദീകരിക്കുന്നതിന്റെ ഭാഗമായി സിപിഐഎം കാവശ്ശേരി ലോക്കൽ കമ്മിറ്റിയുടെ നേതൃത്വത്തിൽ സംഘടിപ്പിച്ച രാഷ്ട്രീയ വിശദീകരണം പൊതുയോഗം പത്തനാപുരത്ത് നടന്നു. വലിയ ജനപങ്കാളിത്തത്തോടെ നടന്ന പൊതുയോഗം പ്രദേശത്തെ രാഷ്ട്രീയ പ്രവർത്തനങ്ങൾക്ക് പുതിയ ഊർജ്ജം നൽകി. പൊതുയോഗം സിപിഐഎം ജില്ലാ സെക്രട്ടറിയേറ്റ് അംഗം സഖാവ് വി. പൊന്നുക്കുട്ടൻ ഉദ്ഘാടനം ചെയ്തു. രാജ്യത്ത് കേന്ദ്ര സർക്കാർ പിന്തുടരുന്ന ജനവിരുദ്ധ നയങ്ങൾ തൊഴിലാളി–കർഷക–സാധാരണ ജനവിഭാഗങ്ങളുടെ ജീവിതത്തെ കടുത്ത പ്രതിസന്ധിയിലാക്കുകയാണെന്ന് അദ്ദേഹം പറഞ്ഞു. […]