തിരുവനന്തപുരം: കഴിഞ്ഞ നിയമസഭാ തെരഞ്ഞെടുപ്പിൽ സമർപ്പിച്ച നാമനിർദേശ പത്രികയിൽ നിർണായക വിവരങ്ങൾ മറച്ചുവെച്ചെന്ന പരാതിയിൽ വിശദീകരണവുമായി ബേപ്പൂർ എം.എൽ.എ. പി.എ. മുഹമ്മദ് റിയാസ്. തെരഞ്ഞെടുപ്പ് സത്യവാങ്മൂലത്തിൽ ഒരു വിവരവും മറച്ചുവെച്ചിട്ടില്ലെന്നും സത്യവാങ്മൂലം പൂർണമായും പൊതുരേഖയാണെന്നും ഫെയ്‌സ്ബുക്ക് കുറിപ്പിലൂടെ റിയാസ് വ്യക്തമാക്കി. ഇക്കാര്യം ആർക്കും പരിശോധിച്ച് ബോധ്യപ്പെടാമെന്നും അദ്ദേഹം പറഞ്ഞു. കോടതി നേരിട്ട് ഹാജരാകാൻ നിർദേശിച്ചിട്ടില്ലെന്നും ഏതെങ്കിലും വ്യക്തി കോടതിയെ സമീപിക്കുമ്പോൾ എതിർകക്ഷിക്ക് നോട്ടീസ് നൽകുന്നത് സ്വാഭാവിക നടപടിക്രമമാണെന്നും റിയാസ് വ്യക്തമാക്കി. ഇതുവരെ തങ്ങൾക്ക് കോടതി നോട്ടീസ് ലഭിച്ചിട്ടില്ലെന്നും […]

തിരുവനന്തപുരം: ചിറയിൻകീഴ് സംഭവത്തിൽ കോൺഗ്രസ് സസ്പെൻഡ് ചെയ്ത പാളയം പ്രദീപിനായി വീണ്ടും രമ്യ ഹരിദാസ് എംഎൽഎ രംഗത്ത്. പാളയം പ്രദീപിനെ മുൻകാല പ്രാബല്യത്തോടെ തന്റെ അഡീഷണൽ പിഎ ആയി നിയമിക്കണമെന്ന് ആവശ്യപ്പെട്ട് രമ്യ ഹരിദാസ് നിയമസഭാ സെക്രട്ടറിയുടെ ഓഫീസിൽ കത്ത് നൽകി. ഇന്ന് സമർപ്പിച്ച കത്തിൽ 2026 മേയ് 21 മുതൽ മുൻകാല പ്രാബല്യത്തോടെ നിയമനം നൽകണമെന്നാണ് ആവശ്യപ്പെട്ടിരിക്കുന്നത്. മേയ് 21 മുതൽ പാളയം പ്രദീപ് തന്റെ കൂടെയുണ്ടെന്നതാണ് മുൻകാല പ്രാബല്യത്തോടെ നിയമനം ആവശ്യപ്പെടുന്നതിനുള്ള കാരണമായി രമ്യ […]

തിരുവനന്തപുരം: പാലാംകോണത്ത് റോഡരികിൽ നിർത്തിയിട്ടിരുന്ന നിരവധി വാഹനങ്ങൾ അടിച്ചുതകർത്ത കേസിൽ കാപ്പ കേസ് പ്രതി അറസ്റ്റിൽ. പെരുംകുളം സ്വദേശി താഹ (33)യെയാണ് കടയ്ക്കാവൂർ പൊലീസ് അറസ്റ്റ് ചെയ്തത്. ഞായറാഴ്ച രാത്രി എട്ടോടെ പാലാംകോണം സലഫി സെന്ററിന് സമീപമായിരുന്നു സംഭവം. റോഡരികിൽ നിർത്തിയിട്ടിരുന്ന ഓട്ടോറിക്ഷയും കാറും ഉൾപ്പെടെ എട്ടോളം വാഹനങ്ങളാണ് പ്രതി അക്രമാസക്തനായി അടിച്ചുതകർത്തത്. നിരവധി ക്രിമിനൽ കേസുകളിൽ പ്രതിയായ താഹയ്‌ക്കെതിരെ നേരത്തെ കാപ്പ ചുമത്തിയിരുന്നു. സംഭവത്തെ തുടർന്ന് സ്ഥലത്തെത്തിയ പൊലീസ് ഇയാളെ കസ്റ്റഡിയിലെടുത്ത് അറസ്റ്റ് ചെയ്യുകയായിരുന്നു.