തൃശ്ശൂർ: മുന്‍ എഐസിസി അംഗവും രാഷ്ട്രീയ പ്രവര്‍ത്തകനുമായ എൻ കെ സുധീർ വീണ്ടും കോണ്‍ഗ്രസിലേക്ക്. നേരത്തെ കോണ്‍ഗ്രസ് വിട്ടിരുന്ന സുധീര്‍ പിന്നീട് പി.വി. അന്‍വറിനൊപ്പവും തുടര്‍ന്ന് ബിജെപിയിലും പ്രവര്‍ത്തിച്ചിരുന്നു. കോണ്‍ഗ്രസിലേക്ക് മടങ്ങിയെത്തിയ വിവരം സുധീര്‍ തന്റെ ഫേസ്ബുക്ക് കുറിപ്പിലൂടെ അറിയിച്ചു. ജീവിതത്തില്‍ ചില സാഹചര്യങ്ങളും തീരുമാനങ്ങളും അനിവാര്യമാണെന്നും രാഷ്ട്രീയ പ്രവര്‍ത്തനങ്ങളുടെ ഭാഗമായി ചെറിയൊരു ഇടവേള എടുത്തിരുന്നുവെന്നും അദ്ദേഹം പറഞ്ഞു. എന്നാല്‍, തന്റെ രാഷ്ട്രീയ വേരുകളും ആശയങ്ങളും എന്നും കോണ്‍ഗ്രസ് പ്രസ്ഥാനത്തോടൊപ്പമായിരുന്നുവെന്ന് തിരിച്ചറിഞ്ഞതിനാലാണ് തിരിച്ചുവരവ് തീരുമാനിച്ചതെന്നും അദ്ദേഹം വ്യക്തമാക്കി. […]