തൃശ്ശൂർ : മുസ്ലിം ലീഗ് നേതാവും കുന്നംകുളം മുൻ നഗരസഭ വൈസ് ചെയർമാനുമായിരുന്ന ഇ.പി. കമറുദ്ദീൻ (68) അന്തരിച്ചു. ഹൃദയസംബന്ധമായ അസുഖത്തെ തുടർന്ന് കഴിഞ്ഞ മൂന്ന് ദിവസമായി എറണാകുളം ആസ്റ്റർ മെഡിസിറ്റിയിൽ ചികിത്സയിലായിരുന്നു. ഇന്ന് രാവിലെ ഏഴ് മണിയോടെയായിരുന്നു അന്ത്യം. മൃതദേഹം കുറച്ചുകഴിഞ്ഞ് കുന്നംകുളം–തൃശ്ശൂർ റോഡിലെ വീട്ടിലേക്ക് കൊണ്ടുവരുമെന്ന് ബന്ധുക്കൾ അറിയിച്ചു. നഗരസഭയിൽ വൈസ് ചെയർമാനായി സേവനമനുഷ്ഠിച്ച കാലഘട്ടത്തിൽ വികസന പ്രവർത്തനങ്ങളിലും പാർട്ടി പ്രവർത്തനങ്ങളിലും സജീവ സാന്നിധ്യമായിരുന്നു അദ്ദേഹം.

തൃശ്ശൂർ : ചെറുവല്ലൂർ–അരിക്കാട് കിഴക്കുമുറി റോഡിന്റെ നിർമ്മാണം ആരംഭിച്ച് മാസങ്ങൾ പിന്നിട്ടിട്ടും പ്രവൃത്തി പുരോഗതി ഇല്ലാത്തതിനെതിരെ ഡിവൈഎഫ്ഐ ചെറുവല്ലൂർ ആമയം യൂണിറ്റ് ശക്തമായ പ്രതിഷേധം രേഖപ്പെടുത്തി. ഇഴഞ്ഞുനീങ്ങുന്ന റോഡ് പണി പ്രദേശവാസികളുടെ ദിനചര്യയെ ഗുരുതരമായി ബാധിച്ചിരിക്കുകയാണെന്ന് സംഘടന വ്യക്തമാക്കി.റോഡിലെ പൊടിപടലങ്ങൾ മൂലം ആരോഗ്യ പ്രശ്നങ്ങൾ വർധിക്കുന്നതായും, പണി പൂർത്തിയാകാത്തതിനാൽ ഗതാഗതക്കുരുക്കും അപകട സാധ്യതയും ഉയർന്നിരിക്കുകയാണെന്നും നേതാക്കൾ പറഞ്ഞു. ഫെബ്രുവരി 3ന് ചാത്തൻ ഭഗവതി ക്ഷേത്രത്തിൽ പൂരം നടക്കാനിരിക്കെ, അതിന് മുമ്പായി റോഡ് പണി അടിയന്തരമായി പൂർത്തിയാക്കണമെന്നതാണ് നാട്ടുകാരുടെ […]