തിരുവനന്തപുരം: പാർട്ടിയുമായി ബന്ധപ്പെട്ട ആഭ്യന്തര വിവരങ്ങൾ സാമൂഹികമാധ്യമങ്ങൾക്കും ഓൺലൈൻ മാധ്യമങ്ങൾക്കും ചോർത്തുന്നവരെ കണ്ടെത്താൻ ബി.ജെ.പി.യിൽ അന്വേഷണം ശക്തമാക്കി. നിയമസഭാ തിരഞ്ഞെടുപ്പ് ഫണ്ടിന്റെ വിനിയോഗത്തിൽ ക്രമക്കേട് നടന്നെന്ന ആരോപണങ്ങൾ ഉൾപ്പെടെ സമീപകാല വിവാദങ്ങൾക്ക് പിന്നിലുള്ളവരെ കണ്ടെത്തുകയാണ് നേതൃത്വത്തിന്റെ ലക്ഷ്യം. നേതൃനിരയിലുള്ളവരോ അവരുമായി അടുത്ത ബന്ധമുള്ളവരോ തന്നെയാകാം വിവരച്ചോർച്ചയ്ക്ക് പിന്നിലെന്നാണ് നേതൃത്വത്തിന്റെ പ്രാഥമിക വിലയിരുത്തൽ. വിമതനീക്കത്തിന്റെ സാധ്യതയും പരിശോധിക്കുന്നുണ്ട്. വിദേശത്തുള്ള സംസ്ഥാന പ്രസിഡന്റ് രാജീവ് ചന്ദ്രശേഖർ തിരിച്ചെത്തിയശേഷം അന്വേഷണം കൂടുതൽ വ്യാപിപ്പിക്കുമെന്നാണ് വിവരം. സംസ്ഥാന നേതാക്കൾക്കെതിരെ ആരോപണങ്ങൾ ഉയർത്തി പ്രസിഡന്റിന്റെ […]