തിരുവനന്തപുരം: മന്ത്രി സണ്ണി ജോസഫിന്റെ സ്പെഷ്യൽ പി.എസായി ചന്ദ്രൻ തില്ലങ്കേരി. ബന്ധുനിയമന വിവാദത്തെ തുടർന്ന് സണ്ണി തോമസിന്റെ അളിയൻ ബെന്നി തോമസ് രാജിവച്ചതിനെ തുടർന്നാണ് പുതിയ നിയമനത്തെക്കുറിച്ചുള്ള ചർച്ചകൾ ശക്തമായത്. ചന്ദ്രന് തില്ലങ്കേരിയുടെ നിയമനം മുഖ്യമന്ത്രിയുടെ ഓഫീസ് അംഗീകരിച്ചു.
മട്ടന്നൂരിലെ യുഡിഎഫ് സ്ഥാനാർത്ഥിയായിരുന്നു ചന്ദ്രൻ തില്ലങ്കേരി. സഹോദരീ ഭര്ത്താവായ ബെന്നി തോമസിനെ അഡീഷണല് പ്രൈവറ്റ് സെക്രട്ടറിയായി നിയമിച്ചത് വലിയ വിമര്ശനങ്ങള്ക്ക് വഴിവെച്ചതോടെ നീക്കുകയായിരുന്നു. താന് കാരണം സണ്ണി ജോസഫിന്റെ പൊതുജീവിതത്തിന് പോറല് ഏല്ക്കരുതെന്നായിരുന്നു ബെന്നി തോമസ് രാജിയില് പ്രതികരിച്ചത്.
എന്നാല് സത്യസന്ധനായ മാതൃകാ പൊതുപ്രവര്ത്തകനാണ് ബെന്നി തോമസ് എന്നും സഹോദരീ ഭര്ത്താവ് എന്നതല്ല പഴ്സനല് സ്റ്റാഫില് നിയമിക്കുന്നതിനുള്ള മാനദണ്ഡമെന്നുമായിരുന്നു സണ്ണി ജോസഫ് പ്രതികരിച്ചത്.
