ചെന്നൈ: പ്ലേ ഓഫ് സാധ്യത നിലനിര്ത്താന് വിജയം അനിവാര്യമായ മത്സരത്തില് ഹൈദരാബാദിനോട് തോറ്റ് ചെന്നൈ സൂപ്പര് കിംഗ്സ്. ടോസ് ജയിച്ച് ആദ്യം ബാറ്റ് ചെയ്ത ചെന്നൈ സൂപ്പര് കിംഗ്സ് 20 ഓവറില് ഏഴ് വിക്കറ്റ് നഷ്ടത്തില് 180 റണ്സെടുത്തു. 27 പന്തില് 44 റണ്സെടുത്ത ഡെവാള്ഡ് ബ്രെവിസാണ് ചെന്നൈയുടെ ടോപ് സ്കോറര്. കാര്ത്തിക് ശര്മ 19 പന്തില് 32 റണ്സെടുത്തപ്പോള് സഞ്ജു സാംസണ് 13 പന്തില് 27 റണ്സടിച്ചു.
181 റണ്സ് വിജയലക്ഷ്യം പിന്തുടര്ന്ന ഹൈദരാബാദ് തുടക്കത്തില പതറിയെങ്കിലും ഇഷാന് കിഷന്റെ അര്ധസെഞ്ചുറിയുടെയും(47 പന്തില് 70), ഹെന്റിച്ച് ക്ലാസന്റെ വെടിക്കെട്ടിന്റെയും(26 പന്തില് 47) കരുത്തില് 19 ഓവറില് അഞ്ച് വിക്കറ്റ് നഷ്ടത്തില് ലക്ഷ്യത്തിലെത്തി. ജയത്തോടെ ഹൈദാരാബാദ് 16 പോയിന്റുമായി പ്ലേ ഓഫിലെത്തി. ഗുജറാത്തും ആര്സിബിക്കൊപ്പം പ്ലേ ഓഫിലെത്തുന്ന മൂന്നാമത്തെ ടീമായി ഹൈദരാബാദ്. അവസാന മത്സരത്തില് ഗുജറാത്തിനെ തോൽപിച്ചാലും മറ്റ് ടീമുകളുടെ മത്സരഫലം കൂടി അനുകൂലമായാല് മാത്രമെ ചെന്നൈക്ക് പ്ലേ ഓഫ് സാധ്യതയുള്ളു.
