ഇംഫാല്: മണിപ്പുരില് വീണ്ടും സംഘര്ഷത്തെ തുടര്ന്ന് കൊലപാതകം. തെക്കന് ജില്ലയായ ചുരാചന്ദ്പൂരിലാണ് കുക്കി ഭീകരവാദികള് ഗ്രാമമുഖ്യനെ കൊലപ്പെടുത്തിയത്.
ഗ്രാമമുഖ്യനായ ഹാവോകിപ് (50) ആണ് മര്ദനത്തെ തുടര്ന്ന് കൊല്ലപ്പെട്ടത്. ഇയാളുടെ ശരീരത്തില് നിരവധി ചതവുകളും മുറിവുകളുമുണ്ട്. അക്രമികള് വടികളും മൂര്ച്ചയുള്ള വസ്തുക്കളും ഉപയോഗിച്ചാണ് ഹാവോകിപിനെ ആക്രമിച്ചതെന്നാണ് പ്രദേശവാസികള് പറയുന്നത്.
യുണൈറ്റഡ് കുക്കി നാഷനല് ആര്മി (UKNK)യിലെ ഭീകരവാദികളാണ് ആക്രമണത്തിന് പിന്നില്.
സംഭവത്തില് മണിപ്പുര് പൊലീസ് കേസെടുത്ത് അന്വേഷണം ആരംഭിച്ചു. എന്താണ് കൊലപാതകത്തിലേക്ക് നയിക്കാന് കാരണമായ പ്രകോപനമെന്ന് വ്യക്തമല്ല.
ഹെങ്ലെപ്പ് ഉപവിഭാഗത്തിലെ ടി ഖൊനോംഫായ് ഗ്രാമത്തിന്റെ തലവനായിരുന്നു മരിച്ച ഹാവോകിപ്.
1967ല് പരമ്പരാഗത ഗോത്ര ഭരണ സമ്പ്രദായം നിര്ത്തലാക്കാന് സംസ്ഥാന നിയമം പാസാക്കിയെങ്കിലും മണിപ്പുരിലെ ചിലയിടങ്ങളില് ഇപ്പോഴും പാരമ്പര്യ മേധാവിത്വ ഗ്രാമഭരണ സമ്പ്രദായമാണ് പിന്തുടരുന്നത്. ഇത്തരത്തിലുള്ള ഒരു ഗ്രാമഭരണ സംവിധാനത്തിന്റെ നേതാവാണ് മരിച്ച ഹാവോകിപ്
