കോക്ക്ടെയിൽ 2ന്റെ ആദ്യ ഗാനം ‘Bandhu 2.0’ പുറത്തിറങ്ങിയതോടെ, ആരാധകരുടെ ശ്രദ്ധ വീണ്ടും 2012-ൽ പുറത്തിറങ്ങിയ സൈഫ് അലി ഖാൻ, ദീപിക പദുകോൺ, ഡയാന പെന്റി എന്നിവർ പ്രധാന വേഷങ്ങളിൽ എത്തിയ കോക്ക്ടെയിൽ എന്ന ചിത്രത്തിലേക്ക് തിരിഞ്ഞിരിക്കുകയാണ്.
പുതിയ പതിപ്പിലെ ഗാനത്തെക്കുറിച്ചുള്ള ചർച്ചകൾക്കിടെ, പഴയ സിനിമയെ വീണ്ടും വിലയിരുത്തുന്ന പോസ്റ്റുകളും ലേഖനങ്ങളും സോഷ്യൽ മീഡിയയിൽ ശ്രദ്ധ നേടുകയാണ്.
ഹോമി അദാജാനിയ സംവിധാനം ചെയ്ത കോക്ക്ടെയിൽ റിലീസായ സമയത്ത് സംഗീതത്തിനും അഭിനേതാക്കളുടെ പ്രകടനങ്ങൾക്കും മികച്ച പ്രതികരണം ലഭിച്ചിരുന്നു. എന്നാൽ, വർഷങ്ങൾക്കിപ്പുറം ചിത്രം വീണ്ടും കണ്ട നിരവധി പ്രേക്ഷകർ, ദീപിക പദുകോൺ അവതരിപ്പിച്ച വെറോണിക്ക എന്ന കഥാപാത്രത്തെ സിനിമ എങ്ങനെ അവതരിപ്പിച്ചുവെന്ന കാര്യത്തിൽ പുതിയ ചർച്ചകൾ ഉയർത്തുകയാണ്.
വെറോണിക്ക എന്ന കഥാപാത്രത്തെ സിനിമ എങ്ങനെ അവതരിപ്പിച്ചുവെന്ന കാര്യത്തിൽ പുതിയ ചർച്ചകൾ ഉയർത്തുകയാണ്.സ്വതന്ത്ര ജീവിതശൈലി പിന്തുടരുന്ന വെറോണിക്കയെ കഥയുടെ അവസാനം ‘അപൂർണയായ സ്ത്രീ’യായി ചിത്രീകരിച്ചുവെന്നും, ഡയാന പെന്റിയുടെ മീര എന്ന കഥാപാത്രത്തെയാണ് പരമ്പരാഗത മൂല്യങ്ങളുടെ പ്രതിനിധിയായി സിനിമ ഉയർത്തിക്കാട്ടിയതെന്നുമാണ് ചിലരുടെ വിമർശനം
. വെറോണിക്കയ്ക്ക് യഥാർത്ഥത്തിൽ നീതി ലഭിച്ചില്ലെന്നും, കാലം മാറിയതോടെ കഥാപാത്രത്തെക്കുറിച്ചുള്ള പ്രേക്ഷകരുടെ കാഴ്ചപ്പാടും മാറിയെന്നുമാണ് സോഷ്യൽ മീഡിയയിലെ അഭിപ്രായങ്ങൾ.
അതേസമയം, കോക്ക്ടെയിൽ 2നെ ചുറ്റിപ്പറ്റിയുള്ള ആവേശത്തിനൊപ്പം, 14 വർഷം പഴക്കമുള്ള ആദ്യ ചിത്രത്തെക്കുറിച്ചുള്ള ഈ പുതിയ ചർച്ചകളും ശ്രദ്ധ നേടുകയാണ്.
