തിരുവനന്തപുരം: മലപ്പുറത്തെ മഴക്കെടുതി ബാധിത പ്രദേശങ്ങൾ സന്ദർശിക്കാൻ ചാർട്ടേഡ് വിമാനത്തിൽ യാത്ര ചെയ്തതിന് പണം മുടക്കിയത് ആരാണെന്ന് പറയാൻ തയ്യാറല്ലെന്ന് പ്രതിപക്ഷ നേതാവ് വി.ഡി. സതീശൻ. മലപ്പുറം യാത്ര സർക്കാർ ചെലവിലല്ലെന്നും അദ്ദേഹം വ്യക്തമാക്കി.
യാത്രയുടെ ചെലവ് സംബന്ധിച്ച മാധ്യമപ്രവർത്തകരുടെ ചോദ്യത്തിൽ സതീശൻ അതൃപ്തി പ്രകടിപ്പിച്ചു. മലപ്പുറത്ത് വലിയ അപകടമാണ് ഉണ്ടായതെന്നും അവിടെ പോകാതിരുന്നാൽ വിമർശനം ഉയരുമായിരുന്നുവെന്നും അദ്ദേഹം പറഞ്ഞു. “പരിചയക്കാരനായ ഒരു മലയാളിയാണ് വിമാനം ഏർപ്പാട് ചെയ്ത് തന്നത്. അതിലെന്താണ് തെറ്റ്? ഇനിയും ഇത്തരം യാത്രകൾ നടത്തും,” സതീശൻ പറഞ്ഞു.
വിമാനം ഏർപ്പാട് ചെയ്ത വ്യക്തിയുടെ പേര് പറയാനോ ആരാണ് പണം നൽകിയതെന്ന് വ്യക്തമാക്കാനോ താൻ ഉദ്ദേശിക്കുന്നില്ലെന്നും അദ്ദേഹം പറഞ്ഞു. മുൻ മുഖ്യമന്ത്രിമാരായ പിണറായി വിജയനും ഉമ്മൻ ചാണ്ടിയും സമാനമായി വിമാനയാത്ര നടത്തിയിട്ടുണ്ടെന്നും സതീശൻ ചൂണ്ടിക്കാട്ടി.
Love how easy it is to navigate the site on my mobile. Everything loads instantly. Check out phjiliphplay for a seamless experience.