കോട്ടയം: ജില്ലയിൽ കുമരകം ഗവ. വൊക്കേഷനൽ ഹയർസെക്കൻഡറി സ്കൂളിലെ ഇലക്ടറൽ ലിറ്ററസി ക്ലബ്ബിന്റെ നേതൃത്വത്തിൽ രണ്ട് ദിവസമായി നടന്നു വന്ന സമഗ്ര വോട്ടർ പട്ടിക പരിഷ്കരണം (എസ്ഐആർ) ക്യാംപ് കോട്ടയം ജില്ലാ കലക്ടർ ചേതൻ കുമാർ മീണ സന്ദർശിച്ചു.
കുമരകം വില്ലേജിന്റെ പരിധിയിലുള്ള എട്ട് ബൂത്ത് ലവൽ ഓഫിസർമാരെ ഉൾപ്പെടുത്തി ഇലക്ടറൽ ലിറ്ററസി ക്ലബ് അംഗങ്ങളാണ് ക്യാംപിന് നേതൃത്വം നൽകിയത്. ക്യാംപിലെത്തിയ കലക്ടർ ബിഎൽഒമാരുമായി അവരുടെ പ്രശ്നങ്ങൾ ചർച്ച ചെയ്തു. ജനാധിപത്യ വിജയത്തിൽ ഭാവി വോട്ടർമാരുടെ പങ്കും രാഷ്ട്ര നിർമാണ പ്രക്രിയയിൽ യുവ വോട്ടർമാരുടെ പ്രാധാന്യത്തെ കുറിച്ചും കുട്ടികളുമായി സംവദിച്ചു.
കുമാരകത്തെ ക്യാംപിന്റെ ഭാഗമായി പൊതുജനങ്ങൾക്ക് നേരിട്ട് എത്തി എസ്ഐആർ ഫോം നൽകുന്നതിനും നൽകിയ ഫോം പൂരിപ്പിച്ച് നൽകുന്നതിനും സൗകര്യം ഒരുക്കിയിരുന്നു. ഹൈസ്കൂൾ, ഹയർസെക്കൻഡറി, വൊക്കേഷനൽ ഹയർസെക്കൻഡറി എന്നീ സ്ഥലങ്ങളിൽ ആയിരുന്നു ക്യാമ്പ് നടത്തിയത്.
കോട്ടയത്തെ ക്യാംപിനു മുന്നോടിയായി കുമരകം വില്ലേജ് ഓഫിസർ രഘു കുമാറിന്റെ നേതൃത്വത്തിൽ ഇരുപതു കുട്ടികൾക്ക് എസ് ഐ ആർ പരിശീലന പരിപാടി നടത്തിയിരുന്നു. ആയിരത്തി എഴുപത്തിട്ടു എസ്ഐആർ ഫോമുകൾ കുട്ടികൾ ഡിജിറ്റലൈസ് ചെയ്തു.
