കണ്ണൂർ: പയ്യന്നൂരിലും തളിപ്പറമ്പിലും സ്ഥാനാർത്ഥി നിർണയം പാളിയതായി സിപിഎമ്മിന്റെ തെരഞ്ഞെടുപ്പ് റിവ്യൂ റിപ്പോർട്ട് വിലയിരുത്തി. കണ്ണൂർ ജില്ലാ ഘടകത്തിലെ പാളിച്ചകൾ തിരുത്താൻ സംസ്ഥാന സമിതിക്ക് കഴിഞ്ഞില്ലെന്നും റിപ്പോർട്ടിൽ പറയുന്നു. വിമത സ്ഥാനാർത്ഥികളുടെ സാന്നിധ്യം പാർട്ടിക്ക് വലിയ തിരിച്ചടിയായെന്നും, ഇത് സിപിഎമ്മിന്റെ ജനപ്രീതിയെ ബാധിച്ചുവെന്നും വിലയിരുത്തലുണ്ട്. തെരഞ്ഞെടുപ്പ് ചർച്ചകളിൽ വിഭാഗീയതയും മാധ്യമവിമർശനവും മാത്രമാണ് പ്രധാനമായും നിറഞ്ഞുനിന്നതെന്നും റിപ്പോർട്ട് ചൂണ്ടിക്കാട്ടുന്നു. സംഘടനാ തലത്തിലെ പ്രശ്നങ്ങളും ഏകോപനക്കുറവും തെരഞ്ഞെടുപ്പിൽ പ്രതിഫലിച്ചതായാണ് സിപിഎം നേതൃത്വത്തിന്റെ നിരീക്ഷണം.