വീട്ടിൽ ചോറ് ബാക്കി വന്നോ? വെറൈറ്റിയായിട്ട് എന്തെങ്കിലും ഉണ്ടാക്കണം എന്നാണോ ആ​ഗ്രഹം? എങ്കിലിതാ നിങ്ങൾക്ക് പരീക്ഷിക്കാൻ ഒരു അടിപൊളി സ്നാക്ക്. അതും വളരെ ഈസിയായി ഉണ്ടാക്കാം.

ചോറ് മിക്സിയിൽ ഒട്ടും വെള്ളം ചേർക്കാതെ അടിച്ചെടുക്കുക. ഇതിലേക്ക് കുറച്ചു അരിപ്പൊടിയോ റവയോ ചേർക്കാം. ശേഷം അല്പം തൈര്, ജീരകം, പൊടിയായി അരിഞ്ഞ പച്ചമുളക്, ഇഞ്ചി, കറിവേപ്പില എന്നിവ ചേർത്ത് കുഴച്ച് ഉഴുന്നുവടയുടെ ആകൃതിയിൽ പരത്തി നടുക്കൊരു കുഴിയുണ്ടാക്കി എണ്ണയിൽ വറുത്തെടുക്കാം. ചൂടുചായയ്ക്കൊപ്പം കഴിക്കാൻ അടിപൊളിയാണ് ഈ വിഭവം.