തിരുവനന്തപുരം: താൻ സൈബർ ആക്രമണം നേരിടുകയാണെന്ന് നിയമസഭയിൽ പരാതി ഉന്നയിച്ച് ഫാത്തിമ തെഹ്ലിയ. എഐ സാങ്കേതികവിദ്യ ഉപയോഗിച്ച് വ്യാജ ചിത്രങ്ങൾ പ്രചരിപ്പിച്ച് മോശമായി ചിത്രീകരിക്കുന്നുവെന്നാണ് പരാതിയിൽ ആരോപിക്കുന്നത്.
പരാതിയുമായി ബന്ധപ്പെട്ട പോസ്റ്റ് നിയമസഭയുടെ മേശപ്പുറത്ത് വയ്ക്കാൻ സ്പീക്കർ നിർദേശം നൽകി. വിഷയത്തിന്റെ ഗൗരവം കണക്കിലെടുത്ത് നിയമസഭാ സെക്രട്ടേറിയറ്റിലെ ഉദ്യോഗസ്ഥർ പരാതി പൊലീസിന് കൈമാറുമെന്നും സ്പീക്കർ അറിയിച്ചു.
സംഭവത്തിൽ നിയമാനുസൃത അന്വേഷണം നടത്തി ആവശ്യമായ നടപടി സ്വീകരിക്കുമെന്ന് ബന്ധപ്പെട്ട അധികൃതർ വ്യക്തമാക്കി. സാമൂഹിക മാധ്യമങ്ങളിലൂടെ എഐ ഉപയോഗിച്ച് വ്യാജ ചിത്രങ്ങളും ഉള്ളടക്കവും പ്രചരിപ്പിക്കുന്ന സംഭവങ്ങൾ വർധിച്ചുവരുന്ന സാഹചര്യത്തിലാണ് ഫാത്തിമ തെഹ്ലിയയുടെ പരാതി ശ്രദ്ധേയമാകുന്നത്.
