ആലപ്പുഴ: കലക്ടറേറ്റിന് സമീപം പ്രവര്ത്തിക്കുന്ന കയര്ഫെഡ് വില്പനശാലയില് തീപിടിത്തം. ലക്ഷങ്ങളുടെ കയര് ഉല്പ്പന്നങ്ങള് കത്തിനശിച്ചു. രാവിലെ 9 മണിയോടെയാണ് ഷോറൂമിനുള്ളില് തീ പടര്ന്നത്.
ആലപ്പുഴ, തകഴി, ചേര്ത്തല എന്നിവിടങ്ങളില് നിന്നായി 5 ഫയര് ഫോഴ്സ് യൂണിറ്റുകള് എത്തി തീ നിയന്ത്രണ വിധേയമാക്കി.
കയര്, റബര് ഉല്പ്പന്നങ്ങള് കത്തിയുണ്ടായ കനത്ത പുക കാരണം അഗ്നി രക്ഷാ ഉദ്യോഗസ്ഥര് പണിപ്പെട്ടാണ് തീ നിയന്ത്രണ വിധേയമാക്കിയത്. ഷോറൂമിലെ എയര് കണ്ടീഷണറിലാണ് ആദ്യം തീ കണ്ടത്. ഷോര്ട്ട് സര്ക്യൂട്ട് ആണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
ജീവനക്കാരും പൊലീസും ഫയര് ഫോഴ്സും ചേര്ന്ന് കത്താത്ത ഉല്പ്പന്നങ്ങള് പുറത്തേക്ക് മാറ്റി. തീപിടിത്തത്തെ തുടര്ന്നുണ്ടായ നഷ്ടം എത്രയെന്ന് കണക്കാക്കിയിട്ടില്ല.
