ആലപ്പുഴ: ശബരിമല തീർത്ഥാടന സംഘത്തിന്റെ രക്ഷാധികാരിയും മുൻ സമൂഹപ്പെരിയോനുമായ കളത്തിൽ ചന്ദ്രശേഖരൻ നായർ (93) അന്തരിച്ചു. ദീർഘകാലമായി ശബരിമല തീർത്ഥാടന രംഗത്ത് സജീവമായിരുന്ന അദ്ദേഹം 21 വർഷം അമ്പലപ്പുഴ തീർത്ഥാടന സംഘത്തെ നയിച്ചു. 350-ൽ അധികം തവണ ശബരിമല ദർശനം നടത്തിയിട്ടുള്ള അദ്ദേഹം അധ്യാപകനായും സേവനം അനുഷ്ഠിച്ചിരുന്നു.

മക്കൾ: കെ.സി. ഹരികുമാർ (വി.എച്ച്.എസ്.എസ് കണിച്ചുകുളങ്ങര അധ്യാപകൻ), കെ.സി. കൃഷ്ണകുമാർ (മാതൃഭൂമി കോഴിക്കോട് അസിസ്റ്റന്റ് എഡിറ്റർ). മരുമക്കൾ: മജുഷ എസ്. (ഹരിപ്പാട് മജിസ്‌ട്രേറ്റ് കോടതി), ജയദേവി ടി.ആർ. (ഭാരതീയ വിദ്യാഭവൻ, രാമനാട്ടുകര). സംസ്‌കാരം ഇന്ന് വൈകീട്ട് അഞ്ചിന് വീട്ടുവളപ്പിൽ നടക്കും.