തിരുവനന്തപുരം: യുഡിഎഫ് മന്ത്രിസഭയിലെ മന്ത്രിമാരെ നിയുക്ത മുഖ്യമന്ത്രി വി.ഡി. സതീശന് പ്രഖ്യാപിച്ചു. ഗവര്ണര് രാജേന്ദ്ര ആര്ലേകറിനെ കണ്ട് മന്ത്രിമാരുടെ പട്ടിക കൈമാറിയതിന് ശേഷം തിരുവനന്തപുരത്ത് നടന്ന വാര്ത്താ സമ്മേളനത്തിലാണ് വി.ഡി. സതീശന് മന്ത്രിമാരെ പ്രഖ്യാപിച്ചത്. തിരുവഞ്ചൂര് രാധാകൃഷ്ണ് സ്പീക്കറും ഷാനിമോള് ഉസ്മാന് ഡെപ്യൂട്ടി സ്പീക്കറുമാകും.
രമേശ് ചെന്നിത്തല, കെ. മുരളീധരന്, എ.പി. അനില് കുമാര്, ബിന്ദു കൃഷ്ണ, സണ്ണി ജോസഫ്, പി.സി. വിഷ്ണുനാഥ്, റോജി എം. ജോണ്, ടി. സിദ്ദിഖ്, കെ.എ. തുളസി, ഒ.ജെ. ജനീഷ് എന്നിവരാണ് കോണ്ഗ്രസില് നിന്ന് മന്ത്രിമാരാകുക. രണ്ടര വര്ഷത്തിന് ശേഷം ഐ.സി. ബാലകൃഷ്ണന് കൂടി മന്ത്രിയാകുമെന്നാണ് വിവരം. ചീഫ് വിപ്പ് സ്ഥാനം കേരള കോണ്ഗ്രസിലെ അപു ജോസഫിന് നല്കുമെന്നാണ് വിവരം.
പി.കെ. കുഞ്ഞാലിക്കുട്ടി, പി.കെ. ബഷീര്, എന്. ഷംസുദ്ദീന്, കെ.എം. ഷാജി, വി.ഇ. അബ്ദുള് ഗഫൂര് എന്നിവരാണ് ലീഗിന്റെ മന്ത്രിമാര്. രണ്ടരവര്ഷം കഴിഞ്ഞാല് പാറക്കല് അബ്ദുള്ള മന്ത്രിയാകും. കോഴിക്കോടിന് പ്രാതിനിധ്യം നല്കുന്നതിന്റെ ഭാഗമാണിത്. കേരള കോണ്ഗ്രസില് നിന്ന് മോന്സ് ജോസഫ് മന്ത്രിയാകും. ആര്എസ്പിയില് നിന്ന് ഷിബു ബേബി ജോണും മന്ത്രിയാകും. സിഎംപിയിലെ സി.പി. ജോണ് മന്ത്രിയാകും. കേരള കോണ്ഗ്രസ് ജേക്കബ് ഗ്രൂപ്പിലെ അനൂപ് ജേക്കബും കെഡിപിയിലെ ഏക എംഎല്എ ആയ മാണി സി. കാപ്പനും മന്ത്രിസ്ഥാനം രണ്ടര വര്ഷം വീതം പങ്കിടും.
