കണ്ണൂർ: നിയമസഭാ തിരഞ്ഞെടുപ്പിൽ യുഡിഎഫ് നേടിയ വലിയ വിജയം കോൺഗ്രസ് നേതാക്കൾ മുൻകൂട്ടി കണ്ടിരുന്നതായിരുന്നുവെന്ന് എം.പി. കെ. സുധാകരൻ പറഞ്ഞു. കോൺഗ്രസ് നേതാക്കൾക്ക് ജനങ്ങളുടെ മനോഭാവം മനസ്സിലാക്കാൻ കഴിഞ്ഞതിന്റെ തെളിവാണ് ഈ വിജയമെന്നും അദ്ദേഹം വ്യക്തമാക്കി. “ഞങ്ങൾ യുഡിഎഫുകാർ കേരളം ഭരിക്കും, ഇനി കൂടി ഭരിക്കാൻ അവസരം ഉണ്ടാകും” എന്നും സുധാകരൻ പറഞ്ഞു.
മുഖ്യമന്ത്രി സ്ഥാനത്തെക്കുറിച്ചുള്ള ചർച്ചകളിൽ പ്രതികരിച്ച അദ്ദേഹം, രമേശ് ചെന്നിത്തല ഡൽഹിക്ക് പോയത് മുഖ്യമന്ത്രി ചർച്ചയ്ക്കാണോ എന്നത് അറിയില്ലെന്നും പറഞ്ഞു. സിപിഎം സംബന്ധിച്ചും അദ്ദേഹം വിമർശനം ഉന്നയിച്ചു. കേരളത്തിൽ സിപിഎമ്മും ബിജെപിയും വലിയ സ്വാധീനം നഷ്ടപ്പെട്ടുവെന്നും അദ്ദേഹം പരിഹസിച്ചു. ഇതിനിടെ, യുഡിഎഫ് വിജയത്തിന് പിന്നാലെ മുഖ്യമന്ത്രിയെ ആരാക്കണമെന്ന വിഷയത്തിൽ കോൺഗ്രസിൽ ചര്ച്ചകൾ ശക്തമാകുന്നു. നാളെ തിരുവനന്തപുരത്ത് നിയമസഭാ കക്ഷി യോഗം ചേരും.
ഹൈക്കമാൻഡ് പ്രതിനിധികളായ അജയ് മാക്കൻ, മുകുൾ വാസ്നിക് എന്നിവർ കേരളത്തിലെത്തി എം.എൽ.എമാരുടെ അഭിപ്രായങ്ങൾ ശേഖരിക്കും. ഇതിന്റെ അടിസ്ഥാനത്തിൽ അന്തിമ റിപ്പോർട്ട് പാർട്ടി നേതൃത്വത്തിന് സമർപ്പിക്കും. കെ.സി. വേണുഗോപാൽ, വി.ഡി. സതീശൻ, രമേശ് ചെന്നിത്തല എന്നിവർക്കിടയിൽ മുഖ്യമന്ത്രി സ്ഥാനത്തിനായി ഗ്രൂപ്പ് പോര് ശക്തമാണെന്നും റിപ്പോർട്ടുകൾ പറയുന്നു.
